شیعہ نیوز: صہیونی اخبار “کیلکالسٹ” نے انکشاف کیا ہے کہ غزہ کے باشندوں کی حمایت میں یمنی فوج کے توسط سے صیہونی حکومت کی بحری ناکہ بندی کے سبب، اسرائیل کی بڑی شپنگ کمپنی “زیم” کے منافع میں نواسی فیصد کمی واقع ہوئی ہے۔
رپورٹ کے مطابق صیہونی اقتصادی اخبار کیلکالسٹ کے ساتھ انٹرویو میں، زیم کے مینیجنگ ڈائرکٹر نے اس بات کا ذکر کرتے ہوئے کہ زیم کے خالص منافع میں اس سال کی تیسری سہ ماہی میں نواسی فیصد کی کمی واقع ہوئی ہےکہا کہ ہمیں پیچیدہ جغرافیائی سیاسی حالات اور بیرونی دباؤ کا سامنا ہے اور ہم آبنائے باب المندب کے راستے اپنے بحری سفر کو بحال کرنا چاہتے ہیں کہ جو یمن کی ناکہ بندی کی وجہ سے اب تک ہمارے بحری جہازوں کے لیے بند ہے۔
یہ بھی پڑھیں : غزہ پر صیہونی جارحیت جاری کئي فلسطینی شہید
انہوں نے مزید کہا کہ ہم فریقین کے ساتھ بات چیت کر رہے ہیں اور امید ہے کہ ہم نہر سویز کے راستے سے ایلات بندرگاہ یا ام الرشراش کے ذریعے جہاز رانی کی سرگرمیوں کو دوبارہ فعال کرسکتے ہيں –
واضح رہے کہ یمنی فوج کے ہاتھوں صیہونی حکومت کی سمندری ناکہ بندی کی وجہ سے مقبوضہ علاقوں میں ام الرشراش کی اہم بندرگاہ دیوالیہ ہو گئی ہے اور غاصب حکومت کی شپنگ کمپنیوں کو بھاری نقصان ہوا ہے۔
The post یمنی محاصرے سے اسرائیلی شپنگ کمپنی زیم کے منافع میں 89 فیصد کمی appeared first on شیعہ نیوز پاکستان.
