شیعہ نیوز: یمنی نیوز چینل المسیرہ کی ویب سائٹ پر ایران اور امریکہ کے جنگ بندی کے مفاہمت نامہ کے بارے میں ایک تبصرہ شایع ہوا ہے جس میں اسلامی جمہوریہ ایران کی کامیابی کو خطے کے آسمان میں نئی صبح کی سفیدی قرار دیا گیا ہے۔
اس تبصرے میں مضمون نگار نے لکھا ہے کہ اسلامی جمہوریہ ایران اور استقامتی محاذ نے خطے میں امریکی- صیہونی سانپ کا سر کچل دیا اور طویل عرصے تک استقامت کا مظاہرہ کرتے ہوئے ضدی دشمن کو گھٹنے ٹیکنے اور شکست کا اعتراف کرنے پر مجبور کردیا۔
المسیرہ نیوز چینل کے تبصرے میں آیا ہے کہ جمعے کو جب اس مفاہمت نامے پر دستخط ہوگا تو خطے میں طاقت کا ایک نیا موازنہ جنم لے گا جو اسلامی جمہوریہ ایران اور استقامتی محاذ کے ارکان کی بڑی کامیابی کا اعلان ہے۔
یہ بھی پڑھیں : معاہدے کا مطلب یہ نہیں کہ امریکی اور اسرائیلی جرائم بھول جائینگے یا معاف کردینگے، ایران
اس مضمون میں آیا ہے کہ صیہونی حکام جس پریشانی میں مبتلا ہیں اس کا اندازہ ان کے بیانات سے ہو رہا ہے اور اس بات کی عکاسی بھی اس سے ہو رہی ہے کہ مفاہمت نامہ کا مضمون صیہونی حکومت کے لیے اسٹریٹیجک تباہی کے مترادف ہے۔
المسیرہ نیوز چینل کے تبصرے میں لکھا ہے کہ استقامتی محاذ کی طاقت اور دشمن کے شکست کا سورج ابھرتا دکھائی دے رہا ہے اور یہ بات بھی ثابت ہو رہی ہے کہ سرزمینوں کی آزادی اور قوموں کے حقوق کی بازیابی صرف اور صرف استقامت کے ذریعے ممکن ہے جبکہ صیہونی حکومت کے سامنے اس معاہدے کا تماشہ بین بن کر بیٹھنے کے علاوہ کوئی دوسرا راستہ نہیں جس پر اس کے سامنے دستخط ہو رہے ہیں۔
The post یمنی چينل کا ایران اور استقامتی محاذ کی کامیابی پر تبصرہ: خطے میں استقامتی محاذ کا ابھرتا سورج appeared first on شیعہ نیوز پاکستان.
