شیعہ نیوز: یمن کے مختلف صوبوں میں سعودی اتحاد کے حملوں کے خلاف لاکھوں افراد نے احتجاجی مظاہرے کیے، جہاں شرکاء نے ایران کی حمایت پر اظہار تشکر کرتے ہوئے ہر قسم کی مزاحمت کے لیے اپنی آمادگی کا اعلان کیا۔
رپورٹ کے مطابق صوبہ صعدہ میں سعودی اتحاد کی فوجی کارروائیوں کے خلاف بڑے پیمانے پر احتجاجی مظاہرے کیے گئے۔
گزشتہ روز بھی یمن کے مختلف علاقوں میں سعودی حملوں، خصوصاً صنعا کے فوجی ہوائی اڈے پر حملے، کے خلاف عوامی احتجاج جاری رہا۔ صوبہ حجہ، المحویت، ریمہ، الضالع، اب، تعز اور عمران میں قبائل اور عوام نے بڑے اجتماعات اور ریلیاں نکال کر سعودی عرب کی مسلسل فوجی کارروائیوں کی شدید مذمت کی۔
صوبہ ریمہ اور المحویت میں ہزاروں مظاہرین نے صنعا ہوائی اڈے پر حملے کی مذمت کرتے ہوئے یمنی مسلح افواج کی حمایت کا اعلان کیا اور یمن کا محاصرہ ختم کرانے کی کوششوں پر ایران کا شکریہ ادا کیا۔
یہ بھی پڑھیں : ایران کے خلاف جنگ ہوئی تو عراقی مزاحمتی گروپ فوری میدان میں اتریں گے، کتائب حزب اللہ
صوبہ اب میں عوام کے ساتھ طلبہ نے بھی احتجاجی اجتماع منعقد کیا اور صنعا پر حملے کو 2015ء سے جاری فوجی کارروائیوں کا تسلسل قرار دیا۔ اسی طرح حجہ اور الضالع میں بھی بڑے عوامی اجتماعات ہوئے، جن میں شرکاء نے سعودی حملوں کے خلاف فوری اور مؤثر جواب دینے کا مطالبہ کیا اور صنعا کی قیادت کو مناسب جوابی اقدامات کے لیے مکمل اختیار دینے کی حمایت کی۔
صوبہ تعز میں عوامی اجتماع کے دوران “عام جنگی تیاری” کا اعلان کیا گیا۔
شرکاء نے انصار اللہ یمن کی قیادت کی اپیل پر لبیک کہتے ہوئے ملک کی آزادی، خودمختاری اور قومی حاکمیت کے دفاع کے لیے ہر قسم کی جدوجہد پر آمادگی ظاہر کی۔
صوبہ عمران میں بھی عوامی اجتماع کے شرکاء نے مسلح افواج کے مؤقف کی حمایت کرتے ہوئے اعلان کیا کہ فوجی تربیتی مراکز دوبارہ فعال کیے جائیں گے اور قومی حقوق کی بحالی اور محاصرے کے خاتمے کے لیے عوامی بسیج کو مزید مضبوط بنایا جائے گا۔
The post یمن میں سعودی حملوں کے خلاف لاکھوں افراد کا احتجاج، ایران کا شکریہ ادا کیا گیا appeared first on شیعہ نیوز پاکستان.
