یمن کا بحران، سعودی عرب سے کشیدگی اور پاکستان کا سفارتی کردار؛ تاریخی پس منظر، علاقائی سیاست اور پائیدار امن کے امکانات

حوزہ/یمن اور سعودی عرب کے درمیان کشیدگی محض دو ممالک کا باہمی تنازعہ نہیں، بلکہ اس کے اثرات پورے مشرقِ وسطیٰ، خلیجی خطے، عالمی تجارت اور توانائی کی فراہمی تک پھیل سکتے ہیں۔ اس معاملے کو سمجھنے کے لیے ضروری ہے کہ یمن کی تاریخ، جغرافیائی اہمیت، سیاسی صورتِ حال اور انصار اللہ کے کردار کو سامنے رکھا جائے۔ اسی طرح یہ بھی دیکھنا ہوگا کہ پاکستان، جو سعودی عرب اور ایران سمیت خطے کے متعدد ممالک کے ساتھ تعلقات رکھتا ہے، اپنی سفارتی صلاحیتوں کو استعمال کرتے ہوئے جنگ روکنے اور امن قائم کرنے میں کیا کردار ادا کر سکتا ہے۔