شیعہ نیوز: لبنانی اخبار کے مطابق ریاض نے صنعا کے ساتھ تناؤ کم کرنے کے لیے وفد مسقط بھیج دیا، جبکہ عمان نے تمام فریقوں سے رابطے تیز کر دیے ہیں۔
رپورٹ کے مطابق لبنانی روزنامہ الاخبار نے اپنی ایک رپورٹ میں کہا ہے کہ یمن اور سعودی عرب کے درمیان بڑھتی ہوئی کشیدگی کے بعد ریاض نے ایک بار پھر عمان سے ثالثی کی درخواست کی ہے۔
رپورٹ کے مطابق صنعا کی جانب سے بحیرۂ احمر میں سعودی آئل ٹینکروں کو نشانہ بنانے کے بعد صورتحال ایک نئے مرحلے میں داخل ہو گئی ہے، جس سے خطے میں کشیدگی اور ممکنہ تصادم کے خدشات میں اضافہ ہوا ہے۔
یہ بھی پڑھیں : باب المندب بند نہیں، بحری محاصرہ صرف سعودی عرب کے خلاف ہے، یمن
الاخبار کے مطابق انصار اللہ نے خبردار کیا ہے کہ اگر یمن کے خلاف کسی بھی قسم کی فوجی کارروائی یا اشتعال انگیزی کی گئی تو سعودی عرب کے اہم اور حساس علاقوں کو وسیع پیمانے پر فوجی کارروائیوں کا نشانہ بنایا جا سکتا ہے۔
سیاسی ذرائع کے حوالے سے رپورٹ میں کہا گیا ہے کہ سعودی عرب نے کشیدگی میں کمی کے لیے اپنا ایک وفد مسقط بھیجا ہے، جبکہ عمان کی وزارت خارجہ خطے میں استحکام کی بحالی کے لیے تمام متعلقہ فریقوں سے رابطے تیز کر رہی ہے۔
The post یمن کے ساتھ بڑھتی کشیدگی، سعودی عرب نے عمان سے ثالثی کی درخواست کر دی، الاخبار appeared first on شیعہ نیوز پاکستان.
