شیعہ نیوز: خطے کی تیزی سے بدلتی صورتحال میں متحدہ عرب امارات نے اسرائیلی وزیراعظم بینجمن نیتن یاہو اور صدر شیخ محمد بن زاید النہیان کے درمیان گزشتہ روز ہونے والی ملاقات کی تصدیق کردی۔
رپورٹ کے مطابق دونوں رہنماؤں کے درمیان ملاقات تقریباً 6 گھنٹے جاری رہی ۔
اماراتی سرکاری خبر رساں ادارے کے مطابق ، ملاقات میں متحدہ عرب امارات اور اسرائیل کے باہمی تعلقات اور انہیں مزید وسعت دینے کے امکانات پر گفتگو کی گئی۔
یہ بھی پڑھیں : ایران اور حوثیوں پر بھونکنے والےکالعدم تحریک لبیک کے مولوی کی مدرسے میں 13 سالہ طالب علم سے بدفعلی کی کوشش، مقدمہ درج
رپورٹس کے مطابق اسرائیلی وزیراعظم مختصر دورے پر ابوظہبی پہنچے تھے، جہاں اماراتی صدر سے ملاقات کے بعد وہ واپس روانہ ہوگئے تاہم اماراتی حکام کی جانب سے جاری بیان میں ان رپورٹس کا کوئی تذکرہ نہیں کیا گیا جن میں دعویٰ کیا گیا تھا کہ نیتن یاہو نے ملاقات کے دوران شیخ محمد بن زاید سے 7 اکتوبر 2023 کو حماس کے حملے سے قبل ممکنہ خطرے سے آگاہ کیے جانے سے متعلق تردید کرنے کا مطالبہ کیا تھا۔
بعض ذرائع کا کہنا ہے کہ اسرائیلی وزیراعظم بینجمن نیتن یاہو ایران کے خلاف کسی بھی نئی جارحیت سے قبل سعودی عرب اور متحدہ عرب امارات کے درمیان اختلافات کو ختم کروانے کیلئے کوشاں ہیں اور یہ دورہ بھی اسی سلسلے کی ایک کڑی ہے۔
The post یواےای نے اسرائیلی وزیراعظم بینجمن نیتن یاہو اور صدر شیخ محمد بن زاید النہیان کے درمیان ملاقات کی تصدیق کردی appeared first on شیعہ نیوز پاکستان.
