شیعہ نیوز: یورپی یونین کی خارجہ پالیسی کے ادارے کے ترجمان انور الاعونی نے غرب اردن مین فلسطین کے مظلوم عوام کے خلاف آبادکاروں کے بڑھتے تشدد پر تشویش کا اظہار کیا ہے۔
انور الاعونی نے اپنی پریس بریفنگ کے دوران دریائے اردن کے مغربی کنارے میں صیہونی آبادکاروں کے ہاتھوں فلسطینی عوام کے خلاف بڑھتے تشدد، ان کی جائیدادوں پر حملہ اور ان کی زرعی زمینوں کو نقصان پہنچانے پر تشویش کا اظہار کیا ہے۔
یہ بھی پڑھیں : روس اور چین کی غزہ کے لیے عالمی فورس بنانے کے امریکی منصوبے کی مخالفت
انہوں نے کہا کہ غاصب اسرائيلی آبادکاروں کے پرتشدد رویے اور حملوں میں شدت آتی جا رہی ہے جسے “فورا بند ہوجانا چاہیے۔”
یورپی یونین کی خارجہ پالیسی کے ترجمان نے کہا کہ نئی صیہونی کالونیوں کی تعمیر، E1 جیسے منصوبے، آبادکاروں کا پرتشدد رویہ، فلسطینیوں کے گھروں کو مسمار کرنا، رہائشی عمارتوں پر غیرقانونی قبضہ، فلسطینیوں کو بے گھر اور انہیں کوچ کرنے پر مجبور کرنا، سب کے سب اسرائیل کے وعدوں کی خلاف ورزی ہے اور اسے فوری طور پر بند ہوجانا چاہیے۔
واضح رہے کہ یورپی یونین کی جانب سے اس طرح کی بیان بازی ایسی حالت میں کی جا رہی ہے کہ یورپ، صیہونی حکومت کو ہتھیاروں کی فراہمی میں امریکہ کے بعد دوسری پوزیشن پر کھڑا دکھائی دے رہا ہے۔
The post یورپی یونین بھی غرب اردن میں صیہونی آبادکاروں کے تشدد کی مذمت کرنے پر مجبور ہوگئی appeared first on شیعہ نیوز پاکستان.
