شیعہ نیوز: بیلجیم کی پولیس نے اانسدادِ بدعنوانی تحقیقات کے تحت یورپی یونین کی سفارتی سروس “یورپی ایکسٹرنل ایکشن سروس” کے مرکزی دفتر پر چھاپہ مارا ہے۔
رپورٹ کے مطابق شہر بروژ میں واقع کالج آف یورپ کی عمارت کی بھی اس کارروائی کے دوران تلاشی لی گئی۔
یاد رہے کہ کالج آف یورپ یورپی یونین سے مالی معاونت سے چلتا ہے۔
یہ بھی پڑھیں : قرارداد 2231 کے تعلق سے ایران، روس اور چین کا مشترکہ مکتوب
بیلجیم میں متعدد افراد کے گھروں کی تلاشی بھی لی گئی اور تین افراد کو حراست میں لے لیا گیا ہے۔
یہ آپریشن یورپین پبلک پرازیکیوشن آفس کی درخواست پر کیا گیا ہے جو یورپی یونین کے نوجوان سفارت کاروں کے لیے ایک تربیتی پروگرام میں ممکنہ بدعنوانی کی تحقیقات کر رہا ہے۔
یورپین پبلک پرازیکیوشن آفس کے مطابق، تحقیقات کا مرکز “یورپی یونین ڈپلومیٹک اکیڈمی” ہے۔
فیدریکا موگرینی، جو اس وقت کالج آف یورپ کی سربراہ ہیں اس کیس کی وجہ سے توجہ کا مرکز بن گئی ہیں۔
یاد رہے کہ فیدریکا موگرینی 2014 سے 2019 تک یورپی یونین کی خارجہ پالیسی کی انچارج رہ چکی ہیں۔ ان کے بعد یہ عہدہ جوزف بورل کو ملا اور پھر دسمبر 2024 میں کایا کالاس نے یورپی یونین کی خارجہ پالیسی کی سربراہی سنبھالی ہے۔
The post یورپی یونین کے سفارتی دفتر پر پولیس کا چھاپہ، موگرینی کا نام کرپشن کیس میں شامل appeared first on شیعہ نیوز پاکستان.
