یورپ میں صرف جون کے آخری ہفتے میں شدید گرمی سے 10 ہزار سے زیادہ افراد کی موت

شیعہ نیوز: سرکاری اعداد و شمار کے مطابق یورپ میں صرف جون کے آخری ہفتے میں شدید گرمی کے سبب 10 ہزار سے زیادہ افراد موت کے منہ میں چلے گیے۔

رپورٹ کے مطابق سرکاری اعداد و شمار کے مطابق جون کے آخری ہفتے میں ریکارڈ توڑ گرمی کی لہر کے دوران یورپی ممالک میں 10 ہزار سے زیادہ اموات ریکارڈ کی گئیں۔

یورپی مرکز برائے امراض کی روک تھام اور کنٹرول (ای سی ڈی سی) اور عالمی ادارۂ صحت (ڈبلیو ایچ او) کے تعاون سے قائم نیٹ ورک’یورو ایم او ایم او‘ کے شائع کردہ اعداد و شمار کے مطابق 10 ہزار میں سے 9 ہزار سے زیادہ اموات 65 سال یا اس سے زیادہ عمر کے افراد کی ہوئی ہیں۔

یہ اعداد و شمار27 یورپی ممالک کے قومی اداروں سے حاصل کردہ مجموعی اموات کے ریکارڈ پر مبنی ہیں۔

یہ بھی پڑھیں : ”غزہ کی تباہی ایک سوچی سمجھی پالیسی ہے اور یہ مجھے بہت پسند ہے”اسرائیلی وزیر کااعتراف جرم

ماہرین کا کہنا ہے کہ اس دوران کووڈ 19 کی وبا یا کوئی اور بڑا سبب سامنے نہیں آیا جو اس ہفتے 10 ہزار650 اضافی اموات کی وضاحت کر سکے۔

اس سے پہلے کے 8 ہفتوں میں انہیں یورپی ممالک میں اوسطاً ہر ہفتے اموات کی تعداد معمول سے تقریباً 500 کم تھی۔

’یورو ایم او ایم او‘ نے یہ بھی واضح کیا کہ مزید معلومات موصول ہونے پر مستقبل میں ان اعداد و شمار میں ردوبدل ہو سکتا ہے۔

سائنس دانوں کا کہنا ہے کہ جون کے آخر میں چلنے والی یہ شدید گرمی کی لہر انسانی سرگرمیوں سے پیدا ہونے والی موسمیاتی تبدیلی کے بغیر تقریباً ناممکن تھی کیونکہ موسمیاتی تبدیلی گرمی کی لہر کو زیادہ بار اور زیادہ شدت کے ساتھ رونما کر رہی ہے۔

The post یورپ میں صرف جون کے آخری ہفتے میں شدید گرمی سے 10 ہزار سے زیادہ افراد کی موت appeared first on شیعہ نیوز پاکستان.

​