یوکرین میں بجلی کا بڑا بریک ڈاؤن، اہم شہر تاریکی میں ڈوب گئے

شیعہ نیوز: یوکرین میں تکنیکی خرابی کے باعث بجلی کا بڑا بریک ڈاؤن ہوا ہے۔

خبر ایجنسی کی رپورٹ کے مطابق یوکرینی وزیر توانائی کا کہنا ہے کہ یوکرین، مالدووا، رومانیہ کے درمیان ٹرانسمیشن لائن میں تکنیکی خرابی ہوئی ہے۔

یوکرینی وزیر کے مطابق تکنیکی خرابی کے باعث ملک بھر میں بجلی کی فراہمی متاثر ہوگئی ہے۔

یہ بھی پڑھیں : یورپی حکام کو عالمی مسائل کا صحیح ادراک نہیں ہے، کریملن

انہوں نے بتایا کہ دارالحکومت کیف اور دیگر تین علاقوں میں بجلی کی فراہمی معطل ہوگئی۔

واضح رہے کہ روس سے جاری جنگ کے دوران یوکرین کا بجلی کا نظام شدید متاثر ہوگیا ہے۔ ماسکو کی جانب سے رواں ماہ کے وسط میں حملہ کرکے بجلی گھر تباہ کردیا گیا تھا۔

میزائل اور ڈرون بمباری سے توانائی نظام شدید متاثر ہوگیا تھا جس کے باعث سردیوں میں لاکھوں گھر بجلی سے محروم ہوئے۔

مذکورہ حملے کے بعد یوکرینی صدر زیلینسکی نے کہا تھا کہ کیف کے قریب کئی لاکھ گھرانوں کو بجلی سے محروم ہونا پڑا۔

The post یوکرین میں بجلی کا بڑا بریک ڈاؤن، اہم شہر تاریکی میں ڈوب گئے appeared first on شیعہ نیوز پاکستان.

​