شیعہ نیوز: ایسوشیئیٹڈ پریس نے دعویٰ کیا ہے کہ آئی اے ای اے نے بورڈ آف گورنرز کے ارکان کو ایک خفیہ رپورٹ دی ہے جس میں بتایا گیا ہے کہ ایران پر مسلط کردہ 12 روزہ جنگ بعد، یہ ادارہ ایران کے یورینیم کے ذخائر کی صورت حال کے بارے میں کوئی معلومات حاصل نہیں کر پایا ہے۔
ایسوشیئیٹڈ پریس نے مذکورہ خفیہ رپورٹ کا حوالہ دیتے ہوئے جس کا ایک نسخہ اس نیوز ایجنسی کو ملا ہے بتایا ہے کہ آئی اے ای اے ایران کے زیادہ مقدار میں افزودہ یورینیم کے فوری معائنے کا خواہاں ہے۔
اس مجوزہ رپورٹ میں آیا ہے کہ ستمبر میں ہونے والے آخری اندازوں کے مطابق، ایران کے پاس 440/9 کلوگرام 60 فیصد افزودہ یورینیم موجود ہے۔
یہ بھی پڑھیں : گھروں کو مسمار کرکے فلسطینیوں کو پسپائی پر مجبور نہیں کیا جاسکتا، حماس
ایٹمی توانائی کی عالمی ایجنسی نے اس رپورٹ کے مطابق کہا ہے کہ ایران نے معائنہ کاروں کو ان ایٹمی تنصیبات تک رسائی نہیں دی ہے جنہیں جنگ کے دوران نشانہ بنایا گیا تھا۔
ایسوشیئیٹڈ پریس کے مطابق، امریکہ اور صیہونی حکومت کی جارحیت کے بعد ایران نے آئی اے ای اے کے ساتھ تعاون کے سلسلے کو معطل کردیا تھا۔
یاد رہے کہ آئی اے ای اے کی جانب سے ایران پر صیہونی اور امریکی جارحیت کی ضمنی حمایت، دوپہلو موقف کے نتیجے میں حملے کا جواز فراہم کرنے اور ایٹمی تنصیبات پر حملوں کے بعد اس جارحیت کی مذمت کرنے سے گریز باعث بنا کہ ایران کی پارلیمنٹ ایٹمی توانائی کی عالمی ایجنسی کے ساتھ تعلقات کو معطل اور اس تنظیم کے معائنہ کاروں کے ساتھ تعاون کو جرم قرار دے۔
The post 12 روزہ جنگ کے بعد ایران کے یورینیم کے ذخیرے کے بارے میں کوئی علم نہیں، آئی اے ای اے appeared first on شیعہ نیوز پاکستان.
