حوزہ/6 محرم الحرام تاریخِ کربلا کا وہ مرحلہ ہے جب ظاہری نگاہوں سے دیکھا جائے تو باطل کی قوتیں اپنے عروج پر دکھائی دیتی ہیں، لیکن نگاہِ بصیرت سے دیکھا جائے تو یہی دن حق کی معنوی سربلندی اور ظلم کی اخلاقی شکست کے آغاز کا دن ہے۔ یہ وہ وقت ہے جب کربلا کے میدان میں تلواروں کی جھنکار ابھی پوری طرح سنائی نہیں دیتی، مگر دلوں کے معرکے شروع ہو چکے ہوتے ہیں۔ ضمیروں کی عدالت قائم ہو چکی ہوتی ہے، وفاداریوں کا امتحان شروع ہو جاتا ہے اور انسانیت دو واضح راستوں میں تقسیم ہونے لگتی ہے۔
