شیعہ نیوز: سوشل میڈیا پر شیعہ مکتب فکر کے خلاف فرقہ وارانہ منافرت پر مبنی مواد نشر کرنے کے جرم میں پنجاب پولیس کی ڈیرہ غازی خان میں کارروائی، جاوید اقبال نامی متعصب شخص گرفتار، تھانے منتقل ، ضابطے کی کاروائی کا آغاز کردیا گیا۔
تفصیلات کے مطابق پنجاب کے ضلع ڈیرہ غازی خان کی حدود تھانہ شاہ صدرالدین میں شیعہ مکتب فکر کی مقدسات کے خلاف اور اہل تشیع کی توہین پر مبنی مواد کی سوشل میڈیا پر تشہیر کے جرم میں پولیس نے کاروائی کرتے ہے جاوید اقبال ولد قادر بخش، قوم شیخ قریشی سکنہ شاہ صدرالدین کوگرفتار کرلیا ہے ۔
شیعہ نیوز کو موصولہ ایف آئی آر کے مطابق مقدمہ نمبر246/26 پولیس انسپیکٹرمختیار حسین کی مدعیت میں درج کیا گیا ہے جس میں تعزیرات پاکستان کی دفعہ 295/A لگائی گئی ہے ۔
یہ بھی پڑھیں : پنجاب حکومت کا متعصبانہ اقدام، اتحاد بین المسلمین کےداعی علامہ امین شہیدی پر پنجاب داخلے پرپابندی عائد
پولیس نے تحقیق کی تو پتہ لگا کہ ملزم جاوید اقبال کی فیس بک آئی ڈی سے مخالف مسلک کے خلاف انتہائی گھٹیا اور قابل اعتراض مواد نشر ہورہا ہے اور یہ آئی ڈی خود ملزم جاوید اقبال کے زیر استعمال ہے ۔
پولیس نے ملزم کو فوری گرفتار کرکے تھانہ شاہ صدر الدین منتقل کردیا ہے اور قانونی کارروائی کا آغاز کردیا ہے ۔
The post سوشل میڈیا پر شیعہ مقدسات کی توہین ، ملزم جاوید اقبال گرفتار، مقدمہ درج appeared first on شیعہ نیوز پاکستان.
