شیعہ نیوز: مسجد و امام بارگاہ سید الشہداء فیڈرل بی ایریا کراچی میں منعقدہ عشرۂ محرم کی مجلس سے خطاب کرتے ہوئے علامہ سید حسن ظفر نقوی نے کہا کہ شہدائے کربلا نے رہتی دنیا تک انسانوں کو پیغام دیا کہ جب بھی دین پر وقت پڑے، اپنی جانوں کی پرواہ کیے بغیر اسلام کی سربلندی اور استحکام کیلئے اپنے آپ کو وقف کرنا۔
عشرۂ محرم کی مجلس سے خطاب کرتے ہوئے علامہ حسن ظفر نقوی نے کہا کہ حضرت امام حسینؑ کی قربانی عظیم تر ہے، کیونکہ آپ نے دین کی بقاء اور فروغ اسلام کیلیے بیش بہا قربانیاں دیکر دین کو فتح مند کیا۔
یہ بھی پڑھیں : پنجاب حکومت کی مجلس عزا کے خلاف ایسی ایف آئی آرجسے پڑھ کے سر شرم سے جھک جائے
انہوں نے مزید کہا کہ الحمدللہ آج دین اپنی اصل حالت میں موجود ہے، یہ بھی ایک معجزہ ہے کہ شہداء کربلاء نے دین اسلام کو عظیم قربانی کے ذریعے زندہ و جاوید کیا اور رہتی دنیا تک انسانوں کو پیغام دیا کہ جب بھی دین پر وقت پڑے، اپنی جانوں کی پرواہ کیے بغیر اسلام کی سربلندی اور استحکام کیلیے اپنے آپ کو وقف کرنا۔ علامہ سید حسن ظفر نقوی نے محرم الحرام کے جلوسوں کی سیکیورٹی سخت کرنے کی اپیل کرتے ہوئے کہا کہ مسلمانوں کے مختلف مکاتب باہمی ہم آہنگی کا مظاہرہ کریں۔
The post شہداء کربلاء نے دین اسلام کو عظیم قربانی کے ذریعے زندہ و جاوید کیا ، علامہ حسن ظفر نقوی appeared first on شیعہ نیوز پاکستان.
