شیعہ نیوز: سی سی پی او لاہور بلال صدیق کمیانہ کے مطابق مجالس عزاء اور جلوسوں کی سکیورٹی کے تمام انتظامات مکمل ہیں۔ انہوں نے بتایا کہ آج 7 محرم الحرام کی مناسبت سے شہر بھر میں 424 مجالس عزاء منعقد ہوں گی جبکہ عزاداری کے 99 جلوس برآمد ہوں گے۔ سی سی پی او کے مطابق اے کیٹیگری کی 45، بی کیٹیگری کی 294 اور سی کیٹیگری کی 85 مجالس منعقد کی جا رہی ہیں، سی سی پی او آفس، ڈی آئی جی آپریشنز سمیت ڈویژنل کنٹرول رومز 24 گھنٹے متحرک ہیں، جہاں سے مجالس اور جلوسوں کی مانٹرنگ کی جا رہی ہے۔
یہ بھی پڑھیں : سرگودھا میں مبینہ فرقہ وارانہ پمفلٹ تقسیم کرنے والا شخص گرفتار، تعلق کس سے ہےجان کرحیران ہوجائیں
بلال صدیق کمیانہ نے کہا کہ پولیس کنٹرول رومز کے ذریعے مجالس اور جلوسوں کی رئیل ٹائم مانیٹرنگ بھی جاری ہے، تمام ذیلی کنٹرول رومز مرکزی کنٹرول روم سے مسلسل رابطے میں ہیں، پولیس کنٹرول رومز سے سکیورٹی انتظامات کی موثر نگرانی میں مدد مل رہی ہے۔ بلال صدیق کمیانہ کا کہنا ہے کہ ڈویژنل افسران متعلقہ کنٹرول رومز کے ذریعے سکیورٹی امور کی مسلسل نگرانی یقینی بنائیں۔
The post 7محرم الحرام، لاہور شہر میں ، 424 مجالس منعقد ، 99 جلوس برآمد ہونگے appeared first on شیعہ نیوز پاکستان.
