شیعہ نیوز: اسرائیل نے فلسطین پر مسلط کی گئی جبری جنگ کے دوران غزہ میں 70 ہزار فلسطینیوں کے قتلِ عام کے ساتھ ساتھ 238 صحافیوں کو بھی قتل کیا۔ غزہ سے رپورٹنگ کرنے والے صحافیوں نے اسرائیلی مظالم کے ہولناک واقعات سے پردہ اٹھا دیا ہے۔ ویانا میں انٹرنیشنل پریس انسٹیٹیوٹ کی کانگریس میں گفتگو کے دوران صحافیوں نے بتایا کہ الجزیرہ کے صحافی وائل الدحدوح کی بیوی سمیت پانچ اہل خانہ اسرائیلی حملے میں مارے گئے۔ انہوں نے بتایا کہ ملبے سے زندہ نکلنے والی اِن کی بیٹی تاحال خوف میں مبتلا ہے اور کسی چھت والی جگہ پر رہنے کو تیار نہیں۔ ایک صحافی نے بتایا کہ غزہ میں ہزاروں شہادتیں ہوئیں، مگر دنیا اس پر خاموش رہی، عالمی خاموشی نے اب غزہ میں صحافیوں کے قتل کو معمول کا واقعہ بنا دیا ہے۔
The post غزہ سے رپورٹنگ کرنیوالے صحافیوں نے ہولناک اسرائیلی مظالم سے پردہ اٹھا دیا appeared first on شیعہ نیوز پاکستان.
