شیعہ نیوز: پاکستان رینجرز کیمپ پر بزدلانہ حملے میں ملوث دہشت گرد تنظیم جماعت الاحرار کے پس پردہ افغان طالبان رجیم کے شواہد سامنے آ گئے۔
بزدلانہ حملے میں ملوث دہشت گرد تنظیم جماعت الاحرار کے دہشت گرد نے انکشاف کیا کہ؛میرا نام عثمان علی ہے اور میں افغانستان کے علاقے جلال آباد سے آیا ہوں ،میرے ساتھ 3 اور ساتھی بھی تھے جن کا نام عبدالہادی، جانان اور عمر فاروق تھا۔
گرفتار دہشت گرد عثمان نے کہا کہ میرے ساتھ آنے والا دہشتگرد عبدالہادی مارا جا چکا ہے ، دہشت گرد جانان نے پاکستان رینجرز کے کیمپ پر بم پھینکا تھا۔
دہشت گرد عثمان کا کہنا تھا کہ ہم لوگ سات دن قبل پاکستان آئے تھے عبدالہادی کے پاس جو باجوڑ کا رہائشی تھا۔
عثمان نے کہا کہ ہمیں زیر تعمیر بلڈنگ میں رکھا گیا تھا، حملے میں استعمال ہونے والا اسلحہ عبدالہادی وزیرستان سے لایا تھا۔
یہ بھی پڑھیں : ملک میں دہشتگردی کے واقعات کے بعد پاکستان کی افغانستان میں خارجیوں نے خلاف کارروائی، 25 دہشتگرد جہنم واصل
دہشت گرد عثمان نے کہا کہ دوسری طرف جانے کے لیے جب میں بھاگ رہا تھا تو مجھے گولی لگ گئی اور میں وہیں گر گیا،میرا تعلق جماعت الاحرار سے ہے جس کے افغانستان میں کمانڈر کا نام احرار مولوی صاحب ہے۔
دہشت گرد نے کہا ہم سب کو افغانستان میں تربیت دی گئی تھی مجھے صرف جیکٹ دی گئی تھی خود کش ہم خود تیار کر لیتے ہیں، ہم سب خود کش جیکٹ تیار کر لیتے ہیں ہمیں افغانستان میں پہلے سے تربیت دی گئی تھی۔
عثمان نے کہا کہ افغانستان میں خود کش جیکٹ اور دیگر ٹریننگ عمر قاری نے دی تھی ، کراچی آنے سے پہلے ہمارے لیےافغانستان سے سب انتظامات ہو گئے تھے۔ عبدالہادی یہاں سب جانتا تھا۔پہلے بھی یہاں آیا تھا۔
گرفتار خارجی نے کہا کہ پہلے ہمیں فوج اور رینجرز میں فرق معلوم نہیں تھا، پھر یہاں آ کر رینجرز سے واقف ہوئے اور ہمیں یہ بتایا گیا کہ یہ سب کافر ہیں ۔
The post پاکستان رینجرز سندھ کیمپ حملے میں ملوث زخمی دہشت گرد عثمان کے ہوشربا انکشافات appeared first on شیعہ نیوز پاکستان.
