شیعہ نیوز: انڈونیشیا کے پاپوا علاقے میں علیحدگی پسند باغیوں نے ایک امریکی پائلٹ کو اندھا دھند فائرنگ کرکے موت کے گھاٹ اتارا اور غیر فوجی طیارے کو نذر آتش کردیا۔
رپورٹ کے مطابق انڈونیشیا کے شورش زدہ مشرقی صوبے پاپوا میں آج جمعرات کو علیحدگی پسند باغیوں نے ایک امریکی پائلٹ نکولس ایف گوسیلن کو گولی مار کر ہلاک کردیا اور اس کے بعد غیر فوجی طیارے کو نذر آتش کردیا۔
رپورٹ کے مطابق اس واقعے کی تصدیق انڈونیشیا کی علیحدگی پسند مسلح جماعت ویسٹ پاپوا نیشنل لبریشن آرمی کے ترجمان سیبی سامبوم نے اپنے ایک بیان میں کی ہے۔ طیارے نے پاپوا صوبے کے ضلع ہائی یاہوکیمو میں لینڈنگ کی تھی۔
باغیوں نے خبردار کیا ہے کہ اگر انڈونیشیا نے ان کے زیرِ اثر علاقوں میں سویلین طیاروں کی پروازیں جاری رکھیں تو ایسے حملے مزید کیے جائیں گے۔
یہ بھی پڑھیں : ٹرمپ کو امریکی سپریم کورٹ سے ایک اور جھٹکا، پیدائش پر مبنی شہریت کا حق محدود کرنے والا حکم کالعدم قرار
ابھی تک انڈونیشیا میں امریکی سفارت خانے نے اس واقعے پر فوری طور پر کوئی تبصرہ نہیں کیا ہے۔
ادھر انڈونیشیا کی ٹرانسپورٹ کی وزارت نے بتایا ہے کہ یہ طیارہ وامینا سے یاہوکیمو جا رہا تھا اور لینڈنگ کے فوراً بعد اس سے رابطہ منقطع ہوگیا تھا۔
ان کے بقول یہ طیارہ مقامی فضائی کمپنی کی ملکیت تھا جو پاپوا کے دور دراز علاقوں میں خوراک، ایندھن، ڈاک اور دیگر ضروری سامان پہنچانے کی خدمات انجام دیتی ہے۔
دوسری جانب انڈونیشیا کی مشترکہ پولیس اور فوجی آپریشنز کے ترجمان یوسف سوتیجو نے تصدیق کی ہے کہ یاہوکیمو کے ایک ہوائی اڈے پر ایک جلا ہوا طیارہ ملا ہے جسے ایک امریکی پائلٹ اڑا رہا تھا۔
انھوں نے مزید کہا کہ تاحال اس بات کی سرکاری تصدیق نہیں کی جا سکتی کہ طیارے پر حملہ علیحدگی پسندوں نے کیا تھا اور آیا پائلٹ
The post انڈونیشیا: علیحدگی پسند باغیوں نے امریکی پائلٹ کو گولیوں سے بھونا، طیارے کو آگ لگا دی appeared first on شیعہ نیوز پاکستان.
