شیعہ نیوز: امریکی سپریم کورٹ نے صدر ٹرمپ کا پیدائش پر مبنی شہریت محدود کرنے والا صدارتی حکم کالعدم قرار دے دیا ہے۔
رپورٹ کے مطابق امریکی سپریم کورٹ نے صدر ڈونلڈ ٹرمپ کا پیدائش پر مبنی شہریت محدود کرنے والا صدارتی حکم کالعدم قرار دیتے ہوئے واضح کیا ہے کہ امریکہ میں پیدا ہونے والے تقریباً تمام بچوں کو آئین کے تحت شہریت حاصل رہے گی۔
امریکی سپریم کورٹ نے صدر ڈونالڈ ٹرمپ کے اس صدارتی حکم کو کالعدم قرار دے دیا ہے جس کا مقصد پیدائش پر مبنی شہریت کے آئینی حق کو محدود کرنا تھا۔
عدالت نے 3 کے مقابلے میں 6 ججوں کی اکثریت سے سنائے گئے اپنے فیصلے میں واضح کیا کہ امریکی آئین کی چودہویں ترمیم کے تحت امریکہ میں پیدا ہونے والے تقریباً تمام بچوں کو پیدائش کے ساتھ ہی امریکی شہریت حاصل ہوتی ہے، خواہ ان کے والدین غیر قانونی طور پر ملک میں موجود ہوں یا عارضی ویزے پر مقیم ہوں۔
یہ بھی پڑھیں : وزیرِ اعظم محمد شہباز شریف اپنے ایک روزہ دورہءِ ایران کیلئے اسلام آباد سے روانہ ہوگئے
قابل ذکر ہے کہ ڈونالڈ ٹرمپ نے اپنے دوسرے صدارتی دور کے پہلے ہی دن، 20 جنوری 2025 کو “امریکی شہریت کے مفہوم اور قدر کے تحفظ” کے عنوان سے ایک صدارتی حکم جاری کیا تھا۔
اس حکم کے مطابق امریکہ میں غیر قانونی طور پر مقیم افراد یا طالب علم، ملازمت، سیاحت اور دیگر عارضی ویزوں پر رہنے والے غیر ملکیوں کے ہاں پیدا ہونے والے بچوں کو خودکار طور پر امریکی شہریت نہ دینے کی تجویز پیش کی گئی تھی۔
اس سے پہلے کل ہی امریکی سپریم کورٹ نے صدر ڈونلڈ ٹرمپ کو جھٹکا دیتے ہوئے جنسی استحصال کیس میں ٹرمپ کی سماعت کی اپیل نامنظور کرتے ہوئے ان کے خلاف 50 لاکھ ڈالر ہرجانے کا فیصلہ برقرار رکھا ہے۔
The post ٹرمپ کو امریکی سپریم کورٹ سے ایک اور جھٹکا، پیدائش پر مبنی شہریت کا حق محدود کرنے والا حکم کالعدم قرار appeared first on شیعہ نیوز پاکستان.
