شیعہ نیوز: امریکہ کی جانب سے ایران کے خلاف ایک بار پھر کیے گیے فضائی حملوں کے بعد عالمی خام تیل کی قیمتوں میں نمایاں اضافہ ریکارڈ کیا گیا ہے جبکہ مالیاتی منڈیوں میں بھی بے چینی دیکھی گئی ہے۔
خبر رساں ادارے رائٹرز کی رپورٹ کے مطابق امریکی خام تیل کے فیوچر معاہدوں کی قیمت میں 2 اعشاریہ 7 فیصد اضافہ ہوا، جس کے بعد قیمت 72 اعشاریہ 40 ڈالر فی بیرل تک پہنچ گئی۔
دوسری جانب امریکی 10 سالہ ٹریژری بانڈ فیوچر میں کمی ریکارڈ کی گئی ہے۔ سرمایہ کاروں نے بڑھتی ہوئی جغرافیائی کشیدگی کے باعث مہنگائی اور شرحِ سود میں اضافے کے خدشات کو مدِ نظر رکھتے ہوئے اپنی سرمایہ کاری کی حکمتِ عملی تبدیل کرنی شروع کر دی ہے۔
یہ بھی پڑھیں : امریکی صدر ٹرمپ نے جاپان کو “اسلامی جمہوریہ جاپان” بنا دیا
امریکہ نے آبنائے ہرمز میں تجارتی آئل ٹینکروں پر حملوں کے الزام کے بعد ایران پر فضائی کارروائیاں کیں اور ایرانی خام تیل کی فروخت سے متعلق پابندیاں دوبارہ نافذ کر دیں، جس سے عالمی توانائی کی سپلائی کے حوالے سے خدشات میں اضافہ ہوا۔
ماہرین کا کہنا ہے کہ مشرقِ وسطیٰ میں بڑھتی ہوئی کشیدگی کے باعث عالمی تیل کی رسد متاثر ہونے کا خطرہ بڑھ گیا ہے، جس کے نتیجے میں نہ صرف خام تیل بلکہ دیگر مالیاتی منڈیوں میں بھی اتار چڑھاؤ دیکھنے میں آ سکتا ہے۔
The post ایران کے خلاف امریکی حملوں کے بعد خام تیل کی قیمتوں میں نمایاں اضافہ appeared first on شیعہ نیوز پاکستان.
