شیعہ نیوز: اسرائیل نے حال ہی میں امریکی صدر ٹرمپ کو بتایا ہے کہ اسے ایسی خفیہ معلومات ملی ہیں جن سے ظاہر ہوتا ہے کہ ایران ان کے قتل کی سازش کر رہا ہے۔
امریکی اخبار وال اسٹریٹ جرنل کی آج شائع ہونے والی رپورٹ کے مطابق اسرائیل نے حال ہی میں امریکی صدر ڈونلڈ ٹرمپ کو آگاہ کیا کہ ان کے پاس ایسی انٹیلی جنس معلومات موجود ہیں جن سے ظاہر ہوتا ہے کہ ایران مبینہ طور پر انہیں قتل کرنے کی منصوبہ بندی کر رہا تھا۔
دوسری جانب سی این این نے بھی ایک علیحدہ رپورٹ میں دعویٰ کیا ہے کہ یہ انٹیلی جنس ایک مخصوص مبینہ قاتلانہ کوشش سے متعلق تھی، تاہم امریکی حکومت اور ایران نے ان رپورٹس پر تاحال کوئی ردِعمل ظاہر نہیں کیا۔
یہ بھی پڑھیں : اسرائیل ضرورت پڑنے پر زیادہ طاقت کے ساتھ ایران پر حملے کیلئے تیار ہے، اسرائیل کاٹز
اس سے قبل بھی واشنگٹن یہ دعویٰ کرتا رہا ہے کہ اس نے ایران کی جانب سے ڈونلڈ ٹرمپ کو نشانہ بنانے کی متعدد مبینہ کوششیں ناکام بنائی ہیں۔
رواں ہفتے نیٹو سربراہی اجلاس کے موقع پر ترکیہ کے دارالحکومت انقرہ میں صحافیوں سے گفتگو کرتے ہوئے صدر ٹرمپ نے بھی اپنی جان کو ایران سے لاحق مبینہ خطرات کا ذکر کیا تھا۔
ان کا کہنا تھا کہ میں ایران کی ٹارگٹ کلنگ کی فہرست میں پہلے نمبر پر ہوں۔
The post اسرائیل نے ٹرمپ کو ایران کے قاتلانہ منصوبے سے آگاہ کیا، امریکی اخبار appeared first on شیعہ نیوز پاکستان.
