شیعہ نیوز: غزہ کی پٹی میں فلسطینیوں کے خلاف نسل کشی کے ارتکاب کا صریح اعتراف کرتے ہوئے نام نہاد اسرائیلی وزیر جنگ یسرائیل کاٹز نے شمالی غزہ کے دورے کے دوران وہاں ہونے والی تباہی پر فخر کا اظہار کیا ہے۔
اس نے اس تباہی کو ایک ”سوچی سمجھی پالیسی کا نتیجہ“ قرار دیا اور کہا کہ ان مناظر کو دیکھنا انہیں ”اچھا “ لگتا ہے۔
اسرائیلی چینل 14 نے یسرائیل کاٹز کے دورے کے دوران اس کا ایک انٹرویو نشر کیا، جس میں اس نے غزہ کی پٹی میں تین فوجی نوعیت کی بستیاں قائم کرنے کے اپنے ارادے کا اظہار کیا۔
غزہ میں تباہی کے مناظر کے بارے میں پوچھے گئے ایک سوال کے جواب میں کاٹز نے بلا تردد کہا کہ ”یہ ایک اچھا احساس ہے، ہے نا؟“، اور دعویٰ کیا کہ یہ سب (تباہی) ایک ”سوچی سمجھی پالیسی کا نتیجہ“ ہے۔
ماہرین کے مطابق یہ بیان فلسطینیوں کے خلاف نسل کشی کے ارادے کا واضح اظہار ہے۔
یہ بھی پڑھیں : ’گیوعات زئیو‘ کو قابض صہیونی شہر میں تبدیل کرنا باطل ،قبضے کے حقائق مسلط کرنے کی کوشش ہے:حماس
چینل 14 کے مطابق اس دورے کا سب سے اہم لمحہ وہ تھا جب کاٹز نے ایک نیا تزویراتی ہدف پیش کیا، جو شمالی غزہ کی پٹی میں مستقل یہودی موجودگی قائم کرنا ہے۔
کاٹز نے کہا کہ ”میرا ارادہ ان مقامات پر ’ناحل‘ مراکز (نوى ناحال) قائم کرنے کا ہے جو 2005 میں اسرائیلی انخلاء سے قبل شمالی غزہ میں موجود تھے“۔
واضح رہے کہ ’ناحل مراکز‘ ایسی نیم فوجی آباد کاری گروہ بندیوں پر مشتمل ہوتے ہیں جنہیں تاریخی طور پر نئی رہائشی کالونیاں یا بستیاں قائم کرنے کے لیے استعمال کیا جاتا رہا ہے، جو بعد میں شہری قصبوں میں تبدیل ہو جاتی ہیں۔
اسرائیل 10 اکتوبر 2025 سے غزہ میں نافذ جنگ بندی کے معاہدے کی مسلسل خلاف ورزی کر رہا ہے۔
وزارت صحت کے تازہ ترین اعدادوشمار کے مطابق، گزشتہ اتوار تک اسرائیلی خلاف ورزیوں کے نتیجے میں 1110 سے زائد فلسطینی شہید اور 3578 زخمی ہو چکے ہیں۔
The post ”غزہ کی تباہی ایک سوچی سمجھی پالیسی ہے اور یہ مجھے بہت پسند ہے”اسرائیلی وزیر کااعتراف جرم appeared first on شیعہ نیوز پاکستان.
