شیعہ نیوز: امریکی صدر ڈونلڈ ٹرمپ نے آبنائے ہرمز پر 20 فی صد ٹیکس لگانے کے اپنے دعوے سے پسپائی اختیار کرلی ہے۔
رپورٹ کے مطابق ڈونلڈ ٹرمپ نے پیر کے روز دعویٰ کیا تھا کہ وہ آبنائے ہرمز پر 20 فیصد ٹیکس عائد کریں گے، جس کا انہیں وہاں کوئی اختیار حاصل نہیں ہے، لیکن آج منگل کو ٹرمپ اس دعوے سے پیچھے ہٹ گئے۔
یہ بھی پڑھیں : ایران کے مقابلے میں امریکہ کی 6 اسٹریٹجک غلطیاں، بلومبرگ کا تجزیہ
رپورٹ کے مطابق، امریکی صدر نے منگل کو اپنے سوشل میڈیا پلیٹ فارم ٹروتھ سوشل پر لکھا کہ انہوں نے آبنائے ہرمز سے گزرنے والے بحری جہازوں پر 20 فیصد ٹیکس عائد کرنے کے بجائے خلیج فارس کے ممالک کے ذریعہ امریکہ میں تجارتی سودوں اور سرمایہ کاری کو ترجیح دی ہے۔
ٹرمپ نے دعویٰ کیا ہے کہ خلیج فارس کی ریاستیں ٹول ٹیکس دینے کے بجائے امریکہ میں سرمایہ کاری کریں گی۔
انہوں نے ایران کے خلاف، بقول ان کے، بحری ناکہ بندی کا ذکر کرتے ہوئے کہا کہ ہم مکمل ناکہ بندی کریں گے لیکن صرف ان جہازوں پر جو ایران کی بندرگاہوں پر آتے جاتے ہیں یا ایسی کوئی بھی چیز جو گزرنے والے جہازوں میں ایرانی سامان سے متعلق ہو۔
امریکی صدر نے اس سرمایہ کاری کو عظیم قرار دیا اور دعویٰ کیا کہ یہ خلیج فارس کے ممالک اور ان کے مستقبل کے لیے انتہائی سودمند ثابت ہوگی۔
The post آبنائے ہرمز پر 20 فی صد ٹیکس لگانے کے دعوے سے ٹرمپ کی پسپائی appeared first on شیعہ نیوز پاکستان.
