شیعہ نیوز: امریکی وزیرِ خارجہ مارکو روبیو نے اعلان کیا ہے کہ صدر ڈونلڈ ٹرمپ کی ہدایت پر برازیل سے درآمد ہونے والی بیشتر اشیا پر 25 فیصد ٹیرف عائد کیا جا رہا ہے۔
امریکی وزیرِ خارجہ نے اس تجارتی اقدام کا جواز پیش کرتے ہوئے دعویٰ کیا کہ برازیل کی حکومت نے امریکہ کے ساتھ مذاکرات میں نیک نیتی کا مظاہرہ نہیں کیا۔
مارکو روبیو نے ایکس (سابقہ ٹوئٹر) پر لکھا کہ آج صدر ٹرمپ نے امریکی تجارتی نمائندے کو ہدایت دی ہے کہ برازیل سے درآمد ہونے والی بیشتر اشیا پر 25 فیصد ٹیرف نافذ کیا جائے۔
یہ بھی پڑھیں : امریکہ نے ایران پر اپنے حملوں سے اسرائیل کو پیشگی آگاہ کی
روبیو نے اپنے پیغام میں برازیل کے صدر لوئیز اِناسیو لولا دا سلوا کا نام لے کر ان کی پالیسیوں پر بھی تنقید کی۔
انہوں نے کہا کہ اس بات میں کوئی ابہام نہیں ہونا چاہیے کہ امریکہ کی جانب سے برازیل کے خلاف نئی تجارتی کارروائی کی اصل وجہ کیا ہے۔
صدر لولا اور ان کی حکومت نے امریکہ کے ساتھ مذاکرات میں نیک نیتی کا مظاہرہ نہیں کیا۔
امریکی وزیرِ خارجہ نے مزید کہا کہ ان کی معاشی پالیسیاں نہ صرف امریکی عوام بلکہ برازیل کے عوام کے لیے بھی نقصان دہ ہیں۔
گزشتہ ایک سال کے دوران لولا نے برازیل کے عوام کی خوشحالی کے لیے امریکہ سے معاہدہ کرنے کے بجائے اپنی انا کو ترجیح دی، اور یہی ان نئے ٹیرف کی اصل قیمت ہے۔
The post مذاکرات میں بدنیتی کے الزام کے نام امریکہ کی برازیل کے خلاف تجارتی جنگ appeared first on شیعہ نیوز پاکستان.
