امریکہ نے ایران پر اپنے حملوں سے اسرائیل کو پیشگی آگاہ کی

شیعہ نیوز: امریکی وزیرِ دفاع نے رات گئے اپنے اسرائیلی ہم منصب اسرائیل کاٹز سے ٹیلی فون پر رابطہ کرکے ایران کے خلاف ہونے والے حملوں سے انہیں آگاہ کیا۔

صہیونی حکومت کی وزارتِ جنگ کے دفتر نے ایک بیان میں بتایا کہ گزشتہ رات اسرائیل کاٹز اور امریکی وزیرِ دفاع پیٹ ہیگستھ کے درمیان ٹیلی فونک گفتگو ہوئی۔

بیان کے مطابق، امریکی وزیرِ دفاع نے اس گفتگو کے دوران ایران کے خلاف امریکی فوجی حملوں کی تفصیلات اسرائیلی وزیرِ جنگ کو بتائیں۔

یہ بھی پڑھیں : امریکہ ایران میں حکومت کی تبدیلی کیلئے زمینی فوج نہیں بھیجے گا، جے ڈی وینس

صہیونی وزارتِ جنگ کے دفتر نے مزید کہا کہ اس گفتگو میں اسرائیل کاٹز نے لبنان، شام اور غزہ میں اسرائیلی فوج کی موجودگی برقرار رکھنے پر زور دیا۔

اسرائیل کاٹز اس سے قبل امریکی صدر ڈونلڈ ٹرمپ کے اس بیان پر ردِعمل دے چکے ہیں، جس میں ٹرمپ نے کہا تھا کہ ان کے خیال میں طے شدہ معاہدوں کے مطابق اسرائیل لبنان سے نکل جائے گا۔

اسرائیل کاٹز نے جواب میں کہا تھا کہ ہم نے لبنان میں داخل ہونے کے لیے کسی سے اجازت نہیں لی تھی، اور وہاں رہنے کے لیے بھی ہمیں کسی اجازت کی ضرورت نہیں ہے۔

The post امریکہ نے ایران پر اپنے حملوں سے اسرائیل کو پیشگی آگاہ کی appeared first on شیعہ نیوز پاکستان.

​