شیعہ نیوز: کربلا: جماعتِ اسلامی پاکستان کے سابق امیر سراج الحق نے حرمِ مطہر امام حسینؑ کے زیرِ انتظام جامعۃ الزہراء اور السبطین اکیڈمی برائے آٹزم کا دورہ کیا، جہاں انہیں اداروں کے تعلیمی، تربیتی، تحقیقی اور فلاحی منصوبوں پر تفصیلی بریفنگ دی گئی۔
دورے کے دوران سراج الحق نے مختلف شعبوں کا معائنہ کیا اور خصوصی بچوں کی تعلیم و تربیت کے لیے فراہم کی جانے والی سہولیات میں گہری دلچسپی کا اظہار کیا۔
انہوں نے حرمِ امام حسینؑ کی جانب سے تعلیم، تحقیق، انسانی خدمت اور بالخصوص آٹزم سے متاثرہ بچوں کی بحالی و فلاح کے لیے انجام دی جانے والی خدمات کو قابلِ تحسین قرار دیتے ہوئے کہا کہ ایسے ادارے معاشرے کے کمزور طبقات کی خدمت کا بہترین نمونہ ہیں۔
یہ بھی پڑھیں : دو سو چودہ یہودی آباد کاروں کا مسجدِ اقصی پر دھاوا، اسرائیل کی جارحیت میں تیزی
انہوں نے اس امید کا اظہار بھی کیا کہ اس نوعیت کے تعلیمی اور فلاحی منصوبے امتِ مسلمہ میں علم، خدمتِ خلق اور سماجی بہبود کے فروغ میں اہم کردار ادا کرتے رہیں گے۔
The post جماعتِ اسلامی پاکستان کے سابق امیر سراج الحق نے حرمِ مطہر امام حسینؑ کے زیرِ انتظام جامعۃ الزہراء اور السبطین اکیڈمی برائے آٹزم کا دورہ appeared first on شیعہ نیوز پاکستان.
