شیعہ نیوز: سپاہ پاسداران کی ایرو اسپیس فورس کے کمانڈر سید مجید موسوی نے خبردار کیا ہے کہ اگر ایران کے پلوں اور بجلی گھروں کو نشانہ بنایا گیا تو حملہ آوروں کے اتحادی اور ان کی میزبانی کرنے والے ممالک بھی بجلی کی بندش سے محفوظ نہیں رہیں گے۔
رپورٹ کے مطابق سپاہ پاسداران انقلاب اسلامی کی ایرو اسپیس فورس کے کمانڈر سردار سید مجید موسوی نے خبردار کیا ہے کہ اگر ایران کے پلوں اور بجلی گھروں کو نشانہ بنایا گیا تو اس کے نتائج حملہ آوروں کے اتحادیوں اور ان کی میزبانی کرنے والے ممالک کو بھی بھگتنا ہوں گے۔
یہ بھی پڑھیں : خلیل الحیہ کا انتخاب مزاحمت کے تسلسل کا مظہر ہے، شیخ نعیم قاسم
تفصیلات کے مطابق سردار موسوی نے سماجی رابطے کی ایک ویب سائٹ پر مختصر پیغام میں کہا کہ اگر ہمارے پلوں اور پاور پلانٹس پر حملہ کیا گیا تو طفل کش کے اتحادیوں اور ان کی میزبانی کرنے والوں کی بجلی کی بندش یقینی ہوگی۔
انہوں نے اپنے بیان میں واضح کیا ہے کہ ایران کے بنیادی ڈھانچے پر کسی بھی حملے کا جواب خطے میں متعلقہ اہداف کے خلاف کارروائی کی صورت میں دیا جائے گا۔
The post ہمارے بنیادی ڈھانچے پر حملہ ہوا تو اتحادی ممالک کی بجلی بھی بند ہوجائے گی، جنرل موسوی appeared first on شیعہ نیوز پاکستان.
