شیعہ نیوز: کریملن کے ترجمان نے بحیرہ کیسپین میں ایرانی بحری جہاز پر یوکرین کے حملے پر تبصرہ کرتے ہوئے کہا ہے کہ ایران ایک آزاد ملک ہے جو اپنے حقوق کا دفاع کرنے کی بھرپور صلاحیت رکھتا ہے۔
روسی ایوان صدر کے ترجمان دمتری پیسکوف نے پیر کی شام صحافیوں سے گفتگو کرتے ہوئے کہا کہ یوکرین کے اقدامات جارحانہ ہیں اور کیف حکومت مختلف ممالک پر حملے کر رہی ہے۔
انہوں نے یاد دھانی کرائی کہ اس سے پہلے یوکرین نے وفاقی جمہوریہ جرمنی پر حملہ کیا اور توانائی کے ایک اہم بنیادی ڈھانچے کو دھماکے سے اڑا دیا اور اب اس نے ایک ایرانی جہاز پر حملہ کیا ہے۔
اس سوال کے جواب میں کہ آیا وہ ایرانی جہاز پر یوکرین کے حملے کو سامنے رکھتے ہوئے تنازعہ کو پھیلتا دیکھ رہے ہیں؟ روسی ایوان صدر کے ترجمان کا کہنا تھا کہ “ہم اس خطرے کو نظر انداز نہیں کر سکتے؛ یوکرین کی کارروائی بہت خطرناک ہے۔
یہ بھی پڑھیں : ایران کا محاصرہ جنگ کو وسعت دینے کے مترادف ہوگا، خاتم الانبیاء ہیڈکوارٹر
انہوں نے کہا کہ حکومت یوکرین نے کشیدگی کا نیا سلسلہ شروع کردیا ہے جسے روکنے کی ضرورت ہے۔
نیوزکے مطابق، یوکرین نے ہفتے کے روز نجی ملکیت والے ایرانی جہاز “انا” کو بحیرہ کیسپین میں ڈرون حملے کے نشانہ بنایا تھا۔
جہاز پر 9 ایرانی اور 2 ہندوستانی شہریوں سمیت عملے کے 11 افراد سوار تھے اور وطن واپسی کے دوران اسے ڈرون حملے کا نشانہ بنایا گیا جس کے نتیجے میں ایک ایرانی سیلر شہید اور عملے کے کچھ دیگر افراد زخمی ہوگئے۔
پیر کو روس میں ایرانی سفیر کاظم جلالی نے صحافیوں سے بات کرتے ہوئے کہا تھا کہ یوکرین کا “انا” جہاز پر حملہ ایک مجرمانہ فعل ہے۔
ان کا کہنا تھا کہ دعووں کے برخلاف مذکورہ جہاز پر کسی بھی قسم کا فوجی سازمان لدا ہوا نہین تھا۔
The post ایران اپنے حقوق کا دفاع کرنے کی ضروری صلاحیت رکھتا ہے: ترجمان روسی صدر appeared first on شیعہ نیوز پاکستان.
