شیعہ نیوز: خاتم الانبیاء ہیڈکوارٹر نے خبردار کیا ہے کہ ایران کے خلاف امریکی بحری محاصرے یا تجارتی و آئل ٹینکروں کو نشانہ بنانے کی کسی بھی کوشش کا مسلح افواج بھرپور جواب دیں گی۔
رپورٹ کے مطابق، خاتم الانبیآء سینٹرل ڈیفنس ہیڈکوارٹر نے امریکہ کو سخت انتباہ جاری کرتے ہوئے کہا ہے کہ ایران کے خلاف غیر قانونی بحری محاصرے کی کوئی بھی کوشش خطے میں جنگ کو وسعت دینے کے مترادف ہوگی، اور ایرانی مسلح افواج ہر قسم کی دھمکی یا جارحیت کا فیصلہ کن جواب دیں گی۔
یہ بھی پڑھیں : ایرانی کارگو طیارہ “سیمرغ” 2027 تک تجارتی سروس میں شامل ہونے کا امکان
ہیڈکوارٹر کی جانب سے جاری بیان میں کہا گیا ہے کہ امریکہ گزشتہ تین روز سے ایران کے ساحلی اور علاقائی پانیوں میں ایرانی تجارتی جہازوں اور آئل ٹینکروں کو دھمکیاں دے رہا ہے، جو خطے میں عدم استحکام پیدا کرنے کا تسلسل ہے۔
بیان میں خبردار کیا گیا کہ امریکہ کا یہ اقدام جنگ کے دائرہ کار کو وسیع کرنے کے مترادف سمجھا جائے گا، اور جس طرح ایرانی مسلح افواج نے ماضی میں عملی میدان میں اپنی صلاحیت کا ثبوت دیا ہے، اسی طرح امریکی فوج کی کسی بھی دھمکی یا جارحیت کو بلا جواب نہیں چھوڑا جائے گا بلکہ اس کا مؤثر جواب دیا جائے گا۔
The post ایران کا محاصرہ جنگ کو وسعت دینے کے مترادف ہوگا، خاتم الانبیاء ہیڈکوارٹر appeared first on شیعہ نیوز پاکستان.
