شیعہ نیوز: ابتدائی اطلاعات کے مطابق سعودی اور امریکا نے عراق میں حشد الشعبی کے متعدد فوجی اور مراکزِ نقل و حمل کو نشانہ بنایا گیا۔
حملوں کے اصل مقامات کی تفصیل کے مطابق ، نینویٰ (شمالی عراق)؛ فضائی حملوں میں موصل کے باہر واقع مرکزی کمانڈ سینٹر کو نشانہ بنایا گیا ۔
واسط (وسطی عراق): الکوت کے قریب ڈرون اسٹوریج کی سہولیات پر فضائی کارروائیاں کی گئیں۔
بصرہ (جنوبی عراق): بصرہ کے بندرگاہی شہر کے قریب واقع لاجسٹک مراکز پر گائیڈڈ میزائل داغے گئے۔
مشرقی سرحد: مندلی کے قریب مشرقی سرحدی علاقے میں پھیلے ہوئے سپلائی ڈپوؤں پر متعدد حملے کیے گئے۔
عراقی حکومت نے امریکی اور سعودی افواج کے مشترکہ فضائی حملوں کی شدید مذمت کرتے ہوئے اسے ملکی خودمختاری کی کھلی خلاف ورزی قرار دیا ہے۔
یہ بھی پڑھیں : ایران نے آبنائے ہرمز کے مشترکہ علاقائی انتظام سے متعلق عمان کی تجویز خارج کردی
عراقی حکومت نے واضح کیا کہ بغیر کسی پیشگی اطلاع یا ہم آہنگی کے عراقی سرزمین پر فوجی کارروائی ملکی سالمیت پر حملہ ہے۔
عراقی فوج کے ترجمان نے کہا کہ حشد الشعبی (PMF) عراقی سیکورٹی فورسز کا ایک باقاعدہ حصہ ہیں، اور ان کے ہیڈ کوارٹرز کو نشانہ بنانا ناقابل قبول ہے۔
عراقی وزارت خارجہ نے بغداد میں تعینات امریکی سفیر کو احتجاجی مراسلہ بھیجنے اور سلامتی کونسل سے رجوع کرنے کا اعلان کیا ہے۔
عراقی حکومت نے اصرار کیا ہے کہ عراق کو امریکہ، سعودی عرب اور ایران کے درمیان جاری کشیدگی کا میدان نہیں بننے دیا جائے گا۔
The post عراق میں متعدد مقامات پر سعودی اور امریکی حملے appeared first on شیعہ نیوز پاکستان.
