حضرت مریم( سلام اللہ علیہا) کے یوم عروج کی تقریب

حضرت مریم( سلام اللہ علیہا) کے یوم عروج کی تقریب اتوار 16 اگست کو تہران کے مریم مقدس چرچ میں منعقد ہوئی ۔
یہ تہوار جو’عید تبرک انگور’ کے نام سے بھی جانا جاتا ہے، ارمنی عیسائیوں کا ایک اہم تہوار ہے ۔ اس دن ارمنی عیسائی چرچ میں انگور لاتے ہیں اور مخصوص رسومات ادا کی جاتی ہیں جن کے بعد انگور تبرک کے عنوان سے حاضرین میں تقسیم کیا جاتا ہے۔
ارمنی عیسائیوں کے رواج کے مطابق جن لوگوں کی کوئی منت ہوتی ہے وہ اس تہوار سے دو یا تین دن پہلے سے روزہ رکھتے ہیں اور چرچ میں اس دن کی رسومات سے پہلے کچھ بھی کھانے سے پرہیز کرتے ہیں۔