شیعہ نیوز: اسلامی مزاحمتی تحریک حماس کے رہنما عبد الرحمن شدید نے اس بات پر زور دیا ہے کہ رام اللہ کے شمال مشرق میں واقع گاؤں المغیر اور ابو فلاح کے درمیان فلسطینی شہریوں اور گاڑیوں پر یہودی آباد کاروں کا حملہ جس کے نتیجے میں کئی فلسطینی زخمی ہوئے، مغربی کنارے میں ہمارے عوام کے خلاف جاری سفاکانہ حملوں کے سلسلے میں ایک نئی خطرناک پیش رفت ہے۔
عبد الرحمن شدید نے کہا کہ قابض اسرائیلی فوج کی سرپرستی میں سڑکوں پر شہریوں کو نشانہ بنانا اور ان کی گاڑیوں پر حملے کرنا ہمارے عوام کے عزم اور حوصلے کو ہرگز نہیں توڑ سکے گا اور نہ ہی ہمارے عوام کو جبری بے دخل کرنے اور ان کے ثبات کو متزلزل کرنے میں کامیاب ہو گا، جو مزاحمت کے راستے پر مضبوطی سے قائم ہیں۔
یہ بھی پڑھیں : حشد الشعبی کو عراقی حکومت کی مکمل حمایت حاصل ہے، عراقی وزیر اعظم الزیدی
رہنما عبد الرحمن شدید نے قابض حکومت کی فاشسٹ پالیسیوں کے خطرناک نتائج سے خبردار کیا جو یہودی آباد کاروں کو تحفظ اور پشت پناہی فراہم کر رہی ہیں۔ انہوں نے اس بات پر زور دیا کہ مغربی کنارے کے دیہات اور قصبات میں بڑھتے ہوئے حملے قابض دشمن کو ہماری سرزمین پر سکیورٹی فراہم نہیں کر سکتے، کیونکہ ہمارے عوام اور ہماری مزاحمت اس سفاکانہ غنڈہ گردی پر ہرگز خاموش نہیں بیٹھ سکتی۔
عبد الرحمن شدید نے قابض دشمن اور یہودی آباد کاروں کے غنڈوں کے خلاف مزاحمت کی تمام شکلیں تیز کرنے، شہریوں کے عزم کو مضبوط کرنے، اور ان حملوں اور جرائم کا مقابلہ کرنے کے لیے ہر ممکن کوشش کو تیز کرنے کی اپیل کی۔
The post مغربی کنارے میں یہودی آباد کاروں کی دہشت گردانہ حملے ہمارے عوام کا عزم نہیں توڑ سکتے، حماس appeared first on شیعہ نیوز پاکستان.
