شیعہ نیوز: عراقی وزیر اعظم نے کہا کہ حکومت حشد الشعبی کو مسلح افواج کے ڈھانچے کا حصہ بنانے کے لیے قانون سازی کے عمل کو جاری رکھے گی۔
رپورٹ کے مطابق عراق کے وزیر اعظم علی الزیدی نے کہا ہے کہ حشد الشعبی کو عراقی حکومت کی خصوصی توجہ اور حمایت حاصل ہے اور ملک خودمختاری کے دفاع کے مرحلے کے بعد اب تعمیر و ترقی کے دور میں داخل ہو چکا ہے۔
یہ بھی پڑھیں : حالیہ جنگوں کے تجربات کی روشنی میں دفاعی صنعتوں کو اپ گریڈ کر رہے ہیں، ایرانی وزارت دفاع
المیادین کو دیے گئے بیان میں علی الزیدی نے کہا کہ حشد الشعبی عراق کی مسلح افواج کے ڈھانچے کا ایک اہم حصہ ہے اور حکومت اس حوالے سے قانون کی منظوری کے عمل کو جاری رکھے گی۔
انہوں نے کہا کہ عراق نے اپنی خودمختاری کے دفاع کے مرحلے کو کامیابی سے عبور کیا ہے اور اب ملک کو تعمیر نو، ترقی اور استحکام کی جانب لے جانے کا وقت ہے۔
عراقی وزیر اعظم نے مزید کہا کہ حکومت کی ترجیح ایک مضبوط معیشت کی بنیاد پر ملک کی تعمیر، بنیادی مسائل کے حل اور عوامی مشکلات کے خاتمے پر مرکوز ہے۔
The post حشد الشعبی کو عراقی حکومت کی مکمل حمایت حاصل ہے، عراقی وزیر اعظم الزیدی appeared first on شیعہ نیوز پاکستان.
