شیعہ نیوز: ایران کی وزارت دفاع نے کہا ہے کہ حالیہ جنگ کے تجربات کی روشنی میں دفاعی صنعتوں کی تعمیر نو، تجدید اور اپ گریڈنگ کا عمل بلا وقفہ جاری ہے۔
رپورٹ کے مطابق دفاعی صنعتوں کے قومی دن کے موقع پر جاری کیے جانے والے ایک بیان میں کہا گیا ہے کہ جنگیں اپنی توانائیوں کو سمجھنے، نئی ضروریات کا اندازہ لگانے اور مسقبل کا روڈ میپ تیار کرنے کا موقع فراہم کرتیں ہیں۔
یہ بھی پڑھیں : ابوظہور ایئربیس پر اسرائیل کے حملے کی کوئی توجیہ نہیں تھی، اسعد الشیبانی
بیان میں کہا گیا ہے کہ ایران کی وزارت دفاع حالیہ جنگوں کے نتائج اور اسباق کو سامنے رکھتے ہوئے ملک کی دفاعی صنعتوں کو تعمیرنو، تجدید اور اپ گریڈ کرنے میں مصروف ہے۔
وزارت دفاع نے اپنے بیان میں یہ بات زور دے کر کہی ہے کہ حالیہ مسلط کردہ جنگیں ملک کی دفاعی صلاحیتوں کے لیے حقیقی امتحان کا میدان تھیں، دفاعی صنعت میں ایرانی ماہرین کے علم اور کوششوں سے جو کچھ برسوں کے دوران بنایا اور تیار کیا گیا تھا، اسے میدان میں استعمال کیا گیا اور ایرانی مسلح افواج اور قوم کی آپریشنل صلاحیتوں کے ساتھ ساتھ، دشمن کے مذموم اہداف کا ایک بڑا حصہ ناکام بنادیا گیا۔
واضح رہے کہ ایران میں ہر سال 20 کو دفاعی صنعتوں کا قومی دن منایا جاتا ہے۔
The post حالیہ جنگوں کے تجربات کی روشنی میں دفاعی صنعتوں کو اپ گریڈ کر رہے ہیں، ایرانی وزارت دفاع appeared first on شیعہ نیوز پاکستان.
