شیعہ نیوز: جارجیئن حکمران جماعت نے ایران کے خلاف پابندیوں میں یورپی یونین کا ساتھ دینے سے انکار کرتے ہوئے واضح کیا ہے کہ خارجہ پالیسی کے فیصلے صرف قومی مفادات کی بنیاد پر کیے جائیں گے۔
رپورٹ کے مطابق جارجیا نے ایران کے خلاف یورپی یونین کی جانب سے عائد کی گئی حالیہ پابندیوں میں شامل ہونے سے انکار کر دیا ہے اور واضح کیا ہے کہ اس کے بین الاقوامی سیاسی فیصلے صرف قومی مفادات کو مدنظر رکھتے ہوئے کیے جاتے ہیں۔
جارجیائی ادارے انٹرپریس نیوز کے مطابق حکمران جماعت جارجیئن ڈریم کے رکن پارلیمنٹ تنگیز شارماناشویلی نے کہا ہے کہ جارجیا ایسی کسی بھی پالیسی کی حمایت نہیں کرے گا جو اس کے اپنے قومی مفادات کے خلاف ہو۔
یہ بھی پڑھیں : انصاراللہ کو کبھی کمزور نہ سمجھیں، نیویارک ٹائمز
انہوں نے کہا کہ جارجیا کی جانب سے کسی بھی عالمی قرارداد میں شامل ہونے یا بین الاقوامی سیاسی اقدامات کرنے کا فیصلہ صرف ایک معیار کی بنیاد پر کیا جاتا ہے کہ آیا وہ اقدام اس وقت جارجیا کے مفاد میں ہے یا نہیں۔
شارماناشویلی نے مزید کہا کہ اگر کوئی فیصلہ جارجیا کے قومی مفادات سے متصادم ہو تو اس بات سے کوئی فرق نہیں پڑتا کہ وہ فیصلہ بعد میں کس کے مفادات کو پورا کرتا ہے۔
The post جارجیا نے ایران کے خلاف یورپی یونین کی پابندیوں میں شامل ہونے سے انکار کر دیا appeared first on شیعہ نیوز پاکستان.
