شیعہ نیوز: دمشق: شام کی عدالت نے سابق مفتیِ اعظم احمد بدرالدین حسون کو عمر قید کی سزا سنا دی۔ عدالت کے مطابق یہ فیصلہ جنگی جرائم، انسانیت کے خلاف جرائم، قتل پر اکسانے اور فرقہ وارانہ کشیدگی سمیت مختلف الزامات میں سنایا گیا ہے۔
احمد بدرالدین حسون کو بعض حلقے اہلِ سنت کے ایسے عالم کے طور پر دیکھتے ہیں جنہوں نے شدت پسندی اور خوارج کے خلاف فکری مؤقف اختیار کیا۔ ان کے حامیوں کا کہنا ہے کہ جس طرح پاکستان میں ڈاکٹر طاہر القادری نے انتہاپسندی اور خوارج کے خلاف فکری محاذ پر آواز بلند کی، اسی طرح شام میں بھی حسون نے شدت پسند فکر کے خلاف اپنا کردار ادا کیا۔
سزا کے اعلان کے بعد بعض حلقوں کی جانب سے جشن منانے پر سوالات اٹھائے جا رہے ہیں۔ ناقدین کا کہنا ہے کہ کسی بھی عالمِ دین کو سیاسی یا مسلکی وابستگی کی بنیاد پر نشانہ بنانا قابلِ مذمت ہے اور عدالتی کارروائی میں شفافیت، منصفانہ سماعت اور قانونی حقوق کو یقینی بنایا جانا چاہیے۔
دوسری جانب شامی حکام کا مؤقف ہے کہ یہ کارروائی سابق حکومت کے دور میں ہونے والے جرائم کے احتساب اور عبوری انصاف کے عمل کا حصہ ہے۔
The post خوارج مخالف عالم کو شام میں عمر قید، سزا پر شدید ردعمل appeared first on شیعہ نیوز پاکستان.
