شیعہ نیوز: غزہ کی پٹی میں قابض صہیونی فوج نے وحشیانہ فوجی کارروائیاں کرتے ہوئے مزید آٹھ فلسطینیوں کو شہید کردیا ہے۔
قابض صہیونی افواج نے غزہ میں عرب اور امریکی ثالثی کے تحت مصر کے شہر شرم الشيخ میں 10 اکتوبر سنہ 2025ء کو طے پانے والے جنگ بندی کے کمزور معاہدے کی مسلسل 319 ویں روز بھی صریح خلاف ورزیاں جاری رکھیں۔
پیر کے روز فجر کے وقت سے ہی قابض دشمن کی طرف سےٹارگٹڈ حملوں کا سلسلہ شروع ہو گیا، جس میں ڈرون طیاروں کے حملے، توپ خانے کی گولہ باری اور فائرنگ شامل تھی، اس وحشیانہ جارحیت کے نتیجے میں زخموں کی تاب نہ لاتے ہوئے جامِ شہادت نوش کرنے والوں سمیت آٹھ فلسطینی شہری شہید اور متعدد سویلینز زخمی ہو گئے۔
ہمارے نامہ نگار نے اطلاع دی کہ خان يونس شہر کے مغرب میں قابض دشمن کے ایک ڈرون طیارے کے حملے کے نتیجے میں ایک شہری شہید اور دیگر کئی زخمی ہو گئے۔
یہ بھی پڑھیں : حماس کا مغربی کنارے اور مقبوضہ القدس میں صہیونی آبادکاروں کی کاروائیوں پر سخت ردعمل
پٹی کے وسط میں واقع البريح پناہ گزین کیمپ پر کیے گئے اسرائیلی بمباری کے نتیجے میں چار سالہ معصوم بچہ حسن الحافی شہید اور تین دیگر افراد زخمی ہو گئے۔
فجر کے وقت وسطی غزہ میں دیر البلح کے مقام پر واقع شہداء الاقصی ہسپتال کے قریب بے گھر افراد کے خیمے پر قابض دشمن کے طیاروں کے حملے کے نتیجے میں دو شہری شہید اور متعدد افراد زخمی ہو گئے۔
محمود حسنی أبو شر نامی شہری گذشتہ منگل کے روز شہر غزہ کی بندرگاہ پرقابض اسرائیلی بمباری کے واقعے میں زخمی ہونے کے بعد زخموں کی تاب نہ لاتے ہوئے شہید ہو گئے۔
حمادہ أحمد أبو دقہ نامی شہری چند روز قبل مواصی خان يونس پر کیے گئے اسرائیلی بمباری کے نتیجے میں لگنے والے کاری زخموں کی وجہ سے دم توڑ گئے۔
خان یونس شہر کے مغربی السطر کے علاقے میں قابض فوج کی فائرنگ کے نتیجے میں امل نشأت أبو خاطر نامی چھوٹی بچی جامِ شہادت نوش کر گئی۔
خان یونس شہر کے شمال میں قابض فوج کی گولی لگنے سے ایک شہری زخمی ہو گیا، جبکہ غزہ شہر کے مغرب میں واقع شمالی مخیم الشاطئ میں ایک مصلیٰ اور اس کے قریب واقع ایک گھر کو نشانہ بنانے والے حملے کے نتیجے میں کئی شہری زخمی ہو گئے۔
غزہ شہر کے مشرق میں واقع حیّ الشجاعية اور حیّ الزیتون کے علاقوں میں دو شہریوں کو قابض فوج کی فائرنگ کا نشانہ بنایا گیا۔
قابض دشمن کے طیاروں نے وسطی قطاع میں دیر البلح کے مغرب میں ایک گھر کو مکمل طور پر مسمار کر دیا، جبکہ اس کے ساتھ ساتھ مخیم البريج کے شمالی حصے کو قابض فوج کے توپ خانے نے نشانہ بنایا۔
سات اکتوبر سنہ 2023ء کو جارحیت کے آغاز سے لے کر اب تک کی مجموعی طور پر شہداء کی کُل تعداد بڑھ کر 73 ہزار 422 ہو چکی ہے، زخمیوں کی مجموعی تعداد ایک لاکھ 74ہزار 401 تک پہنچ چکی ہے۔
The post غزہ کی پٹی میں میں قتل عام، وحشیانہ صہیونی بمباری میں آٹھ فلسطینی شہید appeared first on شیعہ نیوز پاکستان.
