شیعہ نیوز: فلسطین کی اسلامی جہاد موومنٹ کے عسکری ونگ القدس بریگیڈز نے بتایا ہے کہ اس نے جنوبی غزہ میں صیہونی کرائے کی ملیشیا کے ایک گروپ کی طرف سے اپنے ایک کارکن کو اغوا کرنے کی کوشش ناکام بنادی ہے۔
الجزیرہ کی رپورٹ کے مطابق القدس بریگیڈز نے ایک بیان جاری کیا ہے جس میں کہا گیا ہے کہ ہے کہ جنوبی غزہ کے شہر خان یونس کے شمالی علاقے القرارہ میں صیہونی دشمن سے وابستہ ملیشیا گروپ کے ساتھ اس کی شدید جھڑپیں ہوئی ہیں۔
یہ بھی پڑھیں : دنیا امریکہ کو تباہی کے دہانے پر کھڑا دیکھ رہی ہے، ایرانی پارلیمنٹ اسپیکر
بیان میں کہا گیا ہے کہ یہ جھڑپیں اس وقت ہوئیں جب صیہونی حکومت سے وابستہ ملیشیا کے دہشت گردوں نے ہمارے ایک کارکن کو اغوا کرنے کی کوشش کی جسے ناکام بنایا گيا ہے۔
جھڑپوں کے دوران صیہونی حکومت سے وابستہ ملیشیا کے متعدد دہشت گرد ہلاک اور زخمی ہوگئے۔
بیان میں مزید کہا گیا ہے کہ اس آپریشن میں ناکامی کے بعد صیہونی فوج کے ڈرونز طیاروں نے اپنے کرائے کی فوجیوں کو تحفظ فراہم کرنے کے لیے علاقے پر پروازیں بھی بھریں۔
The post جنوبی غزہ میں القدس بریگیڈز اور صیہونی ملیشیا کے درمیان شدید جھڑپیں appeared first on شیعہ نیوز پاکستان.
