شیعہ نیوز: جعفریہ الائنس پاکستان کے صدر علامہ سید شہنشاہ حسین نقوی نے کوہاٹ کی پولیس لائنز میں نمازِ جمعہ کے دوران پیش آنے والے دہشت گردانہ دھماکے میں 5 پولیس اہلکاروں سمیت 50افراد کی شہادت پر گہرے دکھ اور افسوس کا اظہار کیا ہے۔ اپنے بیان میں علامہ شہنشاہ نقوی نے اس بزدلانہ اور دہشت گردانہ واقعے کی شدید مذمت کرتے ہوئے کہا کہ بے گناہ شہریوں اور پولیس اہلکاروں کو نشانہ بنانے والے عناصر کے خلاف مؤثر، بلاتفریق اور سخت کارروائی ناگزیر ہے۔
یہ بھی پڑھیں : کالعدم دیوبندی حنفی تنظیم تحریک طالبان پاکستان نے کوہاٹ پولیس لائن مسجد دھماکے کی ذمہ داری قبول کرلی
انہوں نے واضح کیا کہ ایسے عناصر جو عبادت گاہوں اور امن پسند شہریوں کو اپنا ہدف بناتے ہیں، انہیں کیفرِ کردار تک پہنچانا ریاست کی بنیادی ذمہ داری ہے۔ انہوں نے شہداء کے درجات کی بلندی اور زخمیوں کی جلد از جلد شفایابی کے لیے اللہ تعالیٰ سے دعا کی اور شہداء کے لواحقین سے دلی ہمدردی اور تعزیت کا اظہار کیا۔ علامہ سید شہنشاہ حسین نقوی نے کہا کہ پوری قوم اس گھڑی میں شہداء کے خاندانوں کے ساتھ کھڑی ہے اور دہشت گردی کے خلاف متحد ہو کر اس کا قلع قمع کرنا ہوگا۔
The post کوہاٹ پولیس لائن دھماکے پر علامہ شہنشاہ نقوی کا اظہارِ افسوس، فتنہ الخوارج کیخلاف سخت کارروائی کا مطالبہ appeared first on شیعہ نیوز پاکستان.
