شیعہ نیوز: لبنان کی معروف مزاحمتی اسلامی تحریک حزب اللہ کے شہید سیکرٹری جنرل سید حسن نصراللہ اور شہید سید ہاشم صفی الدین کی دوسری برسی کے موقع پر 27 ستمبر کو بیروت میں خصوصی تقریب منعقد کی جائے گی۔ تسنیم نیوز ایجنسی کے بین الاقوامی گروپ کے مطابق، سید حسن نصراللہ اور حزب اللہ کے دیگر شہید سیکرٹری جنرل سید ہاشم صفی الدین کی دوسری برسی کے موقع پر حزب اللہ کے میڈیا ریلیشنز یونٹ نے آج ایک بیان جاری کیا ہے۔
بیان میں کہا گیا ہے کہ امتِ اسلامی کے شہید سید حسن نصراللہ، شہید سید ہاشم صفی الدین اور ان کے ہمراہ شہادت پانے والے دیگر صالح شہداء کی یاد میں ایک تعزیتی و یادگاری تقریب منعقد کی جائے گی۔ حزب اللہ کے میڈیا یونٹ نے مزاحمت اور شہداء سے محبت و عقیدت رکھنے والے تمام افراد کو ان عظیم مزاحمتی رہنماؤں کی دوسری برسی کی تقریب میں شرکت کی دعوت دی ہے۔
یہ بھی پڑھیں : پاک فوج کےلیفٹیننٹ جنرل ریٹائرڈ نعمان محمود مکہ دفاعی معاہدے کے تحت پہلے سیکرٹری جنرل مقرر
بیان کے مطابق یہ تقریب اتوار 27 ستمبر کو بیروت کے مقامی وقت کے مطابق شام 4 بج کر 30 منٹ پر منعقد ہوگی۔ تقریب کا مقام بیروت کے ضاحیہ علاقے میں شہید سید حسن نصراللہ کے حرم کو مقرر کیا گیا ہے۔
The post حزب اللہ لبنان کے شہید قائدین سید حسن نصراللہ اور سید ہاشم صفی الدین کی دوسری برسی پر مرکزی تقریب کا اعلان appeared first on شیعہ نیوز پاکستان.
