شیعہ نیوز: یمن کی مسلح افواج کے ترجمان نے سعودی دشمن کے خلاف کامیاب اور زبردست کارروائی کی خبر دی ہے جس میں جیزان میں سعودی کے پٹھو فوجیوں کے ایک مرکز کو تباہ کر دیا گیا۔
رپورٹ کے مطابق یحیی سریع نے ایک بیان پڑھا جس میں کہا گیا ہے کہ سعودی دشمن کی ہمارے ملک پر اور صوبہ صعدہ و حجہ کے سرحدی علاقوں پر میزائل حملوں میں شدت کے بعد یمنی افواج نے سعودی ایجنٹوں کے خلاف پیش قدمی کرتے ہوئے بڑی کارروائی کی ہے۔
یہ بھی پڑھیں : ایرانی اسپیکر کا امریکی معاشی مشکلات پر طنز، 70 کی دھائی میں واپس بھیج دیں گے
یحیی سریع نے زور دیا کہ اس کارروائی میں جیزان کے علاقے الطوال میں سعودی دشمن کی افواج کے اجتماع سے تعلق رکھنے والے کمانڈ اینڈ کنٹرول رومز، ہتھیاروں کے گودام اور دیگر اہم مقامات، خاص طور پر چھٹی اسپیشل ڈویژن کی چھاونی کو نشانہ بنایا گیا۔
انہوں نے کہا کہ یہ حملے اللہ کی مدد سے درست اور براہ راست تھے اور ان کے نتیجے میں سعودی کرائے کے درجنوں فوجی، جن میں یمنی اور سوڈانی شامل تھے ، سعودی دشمن کی افواج اور افسران سمیت درجنوں افراد ہلاک و زخمی ہوئے اور سعودی دشمن کے متعدد ہتھیاروں کے گودام بھی تباہ اور نذر آتش ہوئے۔
The post ہم نے درجنوں میزائلوں اور ڈرونز سے دشمن کے آپریشن روم اور اہم مراکز کو تباہ کر دیا، یحیی سریع appeared first on شیعہ نیوز پاکستان.
