شیعہ نیوز: ایران کے صدر مسعود پزشکیان نے کہا ہے کہ ایران کے سپریم لیڈرآیت اللہ مجتبیٰ خامنہ ای کو صحت کا کوئی خاص مسئلہ درپیش نہیں، وہ طبی طور پر مکمل صحت مند ہیں۔
امریکی نشریاتی ادارے کو انٹرویو میں مسعود پزشکیان نے بتایا کہ میری آیت اللہ مجتبیٰ خامنہ ای سے 2 مرتبہ ملاقات ہوئی، جن میں سے ایک 7 گھنٹے سے زائد جاری رہی۔
ایرانی صدر کے مطابق آیت اللہ مجتبیٰ خامنہ ای کے چہرے اور ٹانگوں پر آنے والے زخم ٹھیک ہو چکے ہیں۔
یہ بھی پڑھیں : جنگ مسلط کی گئی توپچھلے سال کی طرح حشرکریں گے، وزیر دفاع نے بھارت کو ایک بار پھر خبردار کردیا
سفارتی معاملات میں آیت اللہ مجتبیٰ خامنہ ای کے مشوروں سے متعلق سوال پر ایرانی صدر نے بتایا کہ مختلف اداروں، سیکیورٹی فورسز، پارلیمنٹ اور حکومتی اداروں کے 6 ارکان پر مشتمل ٹیم فیصلوں اور مشاورت کے معاملات پر بات کرتی ہے۔
ایرانی صدر نے بتایا کہ فیصلے باہمی رابطے سے کیے جاتے ہیں۔
اس سے قبل ایرانی صدر نے امریکی میڈیا سے گفتگو کرتے ہوئے کہا تھا کہ ہم نے جنگ کا انتخاب نہیں کیا، جنگ ہم پر مسلط کی گئی، ہم جنگ نہیں، امن کے خواہاں ہیں۔
مسعود پزشکیان کا کہنا تھا کہ ہم یہ جانتے ہیں کہ اگر ہم پر حملہ ہوا تو ہمیں اپنا دفاع کرنا ہو گا، اپنے دفاع کے لیے مضبوطی سے کھڑے رہیں گے۔
The post ایرانی صدر نے سپریم لیڈر آیت اللہ مجتبیٰ خامنہ ای کے چہرے اور ٹانگوں کے زخموں سے متعلق امریکی میڈیا کو آگاہ کر دیا appeared first on شیعہ نیوز پاکستان.
