شیعہ نیوز: امریکی صدر نے کانگریس کے وسط مدتی انتخابات کے موقع پر اپنے اور اپنی جماعت کے لیے سیاسی کامیابی ظاہر کرنے کی کوشش کرتے ہوئے دعویٰ کیا ہے کہ ایران کے خلاف کارروائی کامیاب رہی۔
رپورٹ کے مطابق ڈونلڈ ٹرمپ نے ایک بار پھر کانگریس کے وسط مدتی انتخابات کے موقع پر دعویٰ کیا کہ ایران کے خلاف کارروائی ’’بہت کامیاب‘‘ رہی اور یہ ان کی صدارت کے اہم ترین کارناموں میں شمار ہوتی ہے۔
امریکی صدر نے ایران کے خلاف اپنے سابقہ دعووں کو دہراتے ہوئے، تہران کے جوہری پروگرام کی پُرامن نوعیت کو نظر انداز کرتے ہوئے کہا کہ ایران جوہری ہتھیار حاصل نہیں کرے گا اور یہ معاملہ بہت جلد حل کرلیا جائے گا۔
یہ بھی پڑھیں :مقبوضہ بیت المقدس، حریدی مظاہرین نے اسرائیلی فوج کو دشمن قرار دے دیا
انہوں نے مزید دعویٰ کیا کہ ایران کا معاملہ بہت جلد حل ہوجائے گا، تیل کی قیمتیں دوبارہ کم ہوکر ان سطحوں پر آجائیں گی جو ایران کے خلاف امریکی کارروائی سے پہلے تھیں، جبکہ ایران شدید بحران کا شکار ہے۔
ٹرمپ نے مزید کہا کہ آنے والے برسوں میں تاریخ ہمارے ملک کے بارے میں فیصلہ کرے گی اور کہا جائے گا کہ ایران کی جنگ ان اہم ترین اقدامات میں سے ایک تھی جو ہم نے انجام دیے۔
The post ٹرمپ کا ایران کے خلاف تازہ ترین دعویٰ appeared first on شیعہ نیوز پاکستان.
