شیعہ نیوز:خیرپور ریاست کے سابق والی، ہز ہائینس میر علی مراد خان تالپور دوم انتقال کر گئے۔ان کے انتقال کی خبر سے خیرپور، تالپور خاندان اور تاریخی ورثے سے وابستہ حلقوں میں گہرے دکھ اور افسوس کی لہر دوڑ گئی۔
ہز ہائینسمیر علی مراد خان تالپور 29 جون 1933 کو برائٹن، انگلینڈ میں پیدا ہوئے اور ان کے والد میر فیض محمد خان تالپور دوم جبکہ والدہ دلھن پاشا بیگم تھیں۔ وہ 1947ء میں صرف 14 برس کی عمر میں ریاستِ خیرپور کے حکمران بنے اور 1954ء میں خیرپور کے پاکستان میں انضمام تک میر رہے۔ بعد ازاں بھی وہ تالپور خاندان کی ایک نمایاں شخصیت کے طور پر خیرپور کے فیض محل سے وابستہ رہے۔
یہ بھی پڑھیں : گھرکے بھیدی نے لنکا ڈھا دی، کالعدم سپاہ صحابہ کے سابق رہنما نے اورنگزیب فاروقی کا کچا چٹا کھول دیا
ہز ہائینس میر علی مراد خان نے دو شادیاں کیں۔ ان کی پہلی اہلیہ غلام صدیقہ بیگم تھیں، جو ریاست بہاولپور کے نواب صادق محمد خان خامس عباسی کی صاحبزادی تھیں، جبکہ دوسری اہلیہ عالیہ تالپور تھیں، جو معروف عالمِ دین علامہ راشد ترابی کی صاحبزادی تھیں۔ عالیہ تالپور کا 8 فروری 2019ء کو کراچی میں انتقال ہوا تھا۔ ان کی اولاد میں میر عباس رضا خان تالپور، میر مہدی رضا خان تالپور اور ایک صاحبزادی زہرا شامل ہیں۔
ہز ہائینس میر علی مراد خان تالپور93ویں برس کی عمر میں داعی اجل کو لبیک کہہ کر خالق حقیقی سے جاملے ہیں، اللہ تعالیٰ مرحوم کی مغفرت فرمائے، درجات بلند فرمائے اور سوگوار خاندان کو صبرِ جمیل عطا فرمائے۔آمین یا رب العالمین۔
The post ریاست خیرپور کے سابق والی ، ہز ہائینس میر علی مراد خان تالپور دوم انتقال کر گئے appeared first on شیعہ نیوز پاکستان.
