شیعہ نیوز: پاکستان تحریک انصاف (پی ٹی آئی) کے سیکریٹری جنرل سلمان اکرم راجہ کا کہنا ہے کہ ہم نے 2 مطالبات مذاکرات میں رکھے جس پر حکومت آنے کو تیار نہیں۔
اسلام آباد میں پریس کانفرنس کرتے ہوئے انہوں نے کہا ہے کہ مذاکرات میں ڈیڈ لاک خیبر پختون خوا میں آپریشن سے متعلق آیا، کہا گیا کہ 72 گھنٹے میں صوبے کے کچھ علاقوں میں ایمرجنسی لگائی جائے۔
سلمان اکرم راجہ کا کہنا ہے کہ بانی پی ٹی آئی سے ملاقات اہم ترین معاملہ ہے، ان کو مکالمے میں شامل کیے بغیر کچھ نہیں ہو گا، ان کو شامل کیے بغیر کوئی بات حتمی نہیں ہو سکتی۔
یہ بھی پڑھیں : آپ چاہے گورنر راج لگائیں یا ایمرجنسی ،پاکستان کے یہ مسائل عمران خان کے بغیر حل نہیں ہوسکتے، سینیٹرعلامہ راجہ ناصرعباس
انہوں نے کہا کہ ضروری ہے کہ ملکی سیاست کو بہتر کرنے کے لیے ملاقات کرائی جائے، گزشتہ ملاقات کو ہم نے ابتدائیہ کے طور پر دیکھا ہے۔
سلمان اکرم راجہ نے کہا ہے کہ مذکرات کے 2 دور ہوئے جو بغیر نتیجہ ہی ختم ہوئے، ہمارے 2 بڑے مطالبات ہیں، پہلا بانی پی ٹی آئی عمران خان سے ملاقات کرائی جائے، بانی پی ٹی آئی کے بغیر پی ٹی آئی کوئی فیصلہ نہیں کرے گی۔
The post ہم نے 2 مطالبات مذاکرات میں رکھے جس پر حکومت آنے کو تیار نہیں: سلمان اکرم راجہ appeared first on شیعہ نیوز پاکستان.
