شیعہ نیوز: یمنی فوج نے شہرِ تعز کے مرکز کے مکمل محاصرے کی خـبر دیتے ہوئے کہا ہے کہ سعودی کے حمایت یافتہ 200 سے زائد جنگجو ہلاک یا زخمی ہو چکے ہیں۔
المیادین ٹی وی کی سے جاری کردہ رپورٹ کے مطابق، یمنی مسلح افواج نے سعودی عرب اور اس کے اتحادی میڈیا اداروں کے ان دعووں کو مسترد کر دیا جن میں صنعا حکومت اور اس کی افواج سے یمن کے کچھ علاقوں پر دوبارہ واپس لینے کا دعوی کیا گيا تھا۔
صنعا میں فوجی ذرائع کا کہنا ہے کہ ان کی افواج نے میدانِ جنگ میں حاصل کی گئی تمام کامیابیاں برقرار رکھی ہیں اور دشمن کے پروپیگنڈے کو محض بہادری کا ڈرامہ رچانے اور اپنے آقاؤں کو خوش کرنے کی ایک من گھڑت کوشش قرار دیا۔
یہ بھی پڑھیں : جن یورپی ممالک نے اپنی سہولیات، جارح کے حوالے کیے ہیں انھیں جواب دہ ہونا پڑے گا، ایران
ادھر یمن مسلح افواج کے ترجمان بریگیڈیئر جنرل یحییٰ سریع نے کہا ہے کہ ‘راس العارہ’ اور ‘السقیہ’ کے علاقوں میں یمنی افواج کے درجنوں حملوں کے دوران سعودی حمایت یافتہ 200 سے زائد جنگجو ہلاک یا زخمی ہوئے۔
انہوں نے مزید کہا کہ “سعودی دشمن” کی افواج کو پہنچنے والا جانی اور مالی نقصان، گزشتہ تمام جھڑپوں کے مقابلے میں کہیں زیادہ ہے۔
بریگیڈیئر جنرل سریع نے بتایا کہ گزشتہ چند گھنٹوں کے دوران یمنی مسلح افواج نے صوبہ ‘الجوف’ کے مشرقی حصے میں “سعودی دشمن” کے حامی جنگجوؤں کے اجتماعات پر درجنوں حملے کیے۔
انہوں نے بتایا کہ صوبہ ‘مآرب’ میں ‘رغوان’ کے علاقے کے مشرق میں واقع ایک فوجی کیمپ کو بھی نشانہ بنایا گيا، جس کے نتیجے میں جنگجوؤں کو بھاری جانی نقصان اٹھانا پڑا اور آگ لگنے سے کئی گاڑیاں تباہ ہو گئیں۔
اس سلسلے میں، یمنی وزارتِ دفاع کے مشیر بریگیڈیئر جنرل عابد الثور نے ریاض اور اس کے اتحادی میڈیا کے دعووں کو مسترد کرتے ہوئے کہا ہے کہ ہماری افواج ملک کے مغربی ساحلی پٹی پر بہترین دفاعی پوزیشن پر موجود ہیں۔
انہوں نے مزید کہا کہ یمن کے خلاف سعودی زمینی کارروائی سعودی عرب کے لیے “خودکشی” کے مترادف ہوگی۔ یمنی مسلح افواج کی میدانِ جنگ میں حالیہ کامیابیوں کی طرف اشارہ کرتے ہوئے انہوں نے بتایا کہ ‘التربہ’ کے علاقے میں سیکیورٹی قائم کر دی گئی ہے اور شہرِ تعز کا مرکز یمنی مسلح افواج کے مکمل محاصرے میں ہے۔
انصار اللہ تحریک کے سیاسی بیورو کے رکن، حزام الاسد نے بھی ریاض اور اس کے حامی میڈیا کے ان دعووں کو مسترد کر دیا جن میں یمنی مسلح افواج سے علاقے دوبارہ چھیننے کی بات کی گئی تھی۔ اس دعوے کی تردید کے لیے، انہوں نے ذباب (Dhubab) شہر میں مقامی کونسل کی عمارت کے سامنے سے امریکی صدر اور سعودی حکام کے نام ایک پیغام جاری کیا جس میں کہا گیا ہے کہ “کافر ٹرمپ اور اس کے آلہ کاروں کے خواب چکنا چور ہو کر ہوا میں تحلیل ہو چکے ہیں۔”
The post یمنی فوج کی جانب سے تعز کا محاصرہ، سعودی حمایت یافتہ فورسز کو بھاری جانی نقصان appeared first on شیعہ نیوز پاکستان.
