شیعہ نیوز: غزہ کی میں وزارتِ صحت نے پیر کے روز بتایا کہ گذشتہ چوبیس گھنٹوں کے دوران غزہ کے ہسپتالوں میں چھ شہداء اور چھبیس زخمی لائے گئے۔
وزارت نے اپنی روزانہ کی شماریاتی رپورٹ میں واضح کیا کہ نئے شہداء کی تعداد میں تین شہداء کے علاوہ وہ دو شہداء بھی شامل ہیں جو اپنے پرانے زخموں کی تاب نہ لاتے ہوئے دم توڑ گئے، جبکہ ایک شہید کی لاش کو ملبے سے نکالا گیا ہے۔
یہ بھی پڑھیں : خواتین سے ظالمانہ سلوک ، عالمی فوجداری عدالت نے 4 مرکزی افغان طالبان رہنماؤں کے گرفتاری وارنٹس پبلک کردیے
دوسری جانب مقبوضہ مغربی کنارے کے جنوب میں واقع شہر الخلیل کے مشرق میں قصبہ بنی نعیم کے دروازے کے قریب قابض اسرائیلی فوج کی طرف سے ایک گاڑی پر فائرنگ کے نتیجے میں ایک شہری شہید اور دو دیگر زخمی ہو گئے۔
جنرل اتھارٹی برائے امورِ مدنی نے اطلاع دی ہے کہ زخمی ہونے والے دونوں افراد کی حالت تشویشناک اور درمیانی نوعیت کی ہے، تاہم ابتدائی معلومات میں شہید اور زخمیوں کی شناخت یا فائرنگ کے پس منظر سے متعلق کوئی مزید تفصیلات فراہم نہیں کی گئیں۔
مقامی ذرائع نے بتایا کہ شہید ہونے والے شہری کا نام 41 سالہ محمود ہانی ادعيس ہے، جو الخلیل کے جنوب میں واقع شہر یطا کے رہنے والے تھے۔
رپورٹ میں ذکر کیا گیا کہ گیارہ اکتوبر سنہ 2025ء کو جنگ بندی کا فیصلہ نافذ العمل ہونے کے بعد سے اب تک شہداء کی تعداد بڑھ کر 1,460 ہو گئی ہے، جبکہ زخمیوں کی تعداد 5,116 تک پہنچ گئی ہے، اس کے علاوہ 836 شہداء کی لاشیں نکالی گئی ہیں۔
رپورٹ کے مطابق جنگ کے آغاز سے لے کر اب تک غزہ پر قابض اسرائیلی جارحیت کی مجموعی تعداد بڑھ کر 74,243 شہداء اور 175,232 زخمیوں تک پہنچ گئی ہے۔
The post چوبیس گھنٹوں کے دوران چھ شہادتیں، غزہ میں شہداء کی تعداد بڑھ کر 74,243 ہو گئی appeared first on شیعہ نیوز پاکستان.
