حوزہ/ جموں و کشمیر انجمن شرعی شیعیان کے صدر حجۃ الاسلام والمسلمین آغا سید حسن الموسوی الصفوی نے مرکزی امام باڑہ بڈگام میں خطبۂ جمعہ کے دوران توبہ و استغفار کو باطنی انقلاب اور اصلاحِ نفس کا بنیادی ذریعہ قرار دیتے ہوئے کہا کہ حقیقی توبہ محض زبانی استغفار تک محدود نہیں، بلکہ گناہوں سے اجتناب، کردار کی اصلاح اور انسان کے باطن میں مثبت تبدیلی کا مسلسل عملی عمل ہے۔ شہید آیت اللہ مرتضیٰ مطہریؒ کے افکار کا حوالہ دیتے ہوئے انہوں نے اس بات پر زور دیا کہ انسان اپنی کوتاہیوں کا محاسبہ کرکے، نفسانی خواہشات پر قابو پا کر اور نیکی و تقویٰ اختیار کرکے قربِ الٰہی کی جانب پیش قدمی کرسکتا ہے۔
حقیقی توبہ انسان کے باطن میں انقلاب اور اصلاح کردار کا ذریعہ ہے: آغا سید حسن الموسوی الصفوی
