حوزہ/ چیئرمین جموں و کشمیر جعفریہ سپریم کونسل مظفرآباد، ایڈووکیٹ سید زوار حسین نقوی نے سعودی عرب اور یمن کے درمیان جاری کشیدگی کے تناظر میں کہا ہے کہ پاکستان کا یمن جنگ میں فریق بننا قرآنی تعلیمات اور اتحادِ امت کے منافی ہوگا۔ انہوں نے پاکستان، ترکیہ اور دیگر مسلم ممالک پر زور دیا کہ وہ جنگ میں شریک ہونے کے بجائے جنگ بندی، منصفانہ مصالحت اور پائیدار امن کے قیام کے لیے مؤثر کردار ادا کریں اور یمن کی خودمختاری و سالمیت کا احترام یقینی بنائیں۔
