شیعہ نیوز: کریملن نے یوکرائنی صدر کی جانب سے صدارتی انتخابات کے انعقاد کے لیے 60 روزہ جنگ بندی نافذ کرنے کی تجویز مسترد کر دی۔
رپورٹ کے مطابق، کریملن کے ترجمان دیمتری پیسکوف نے اعلان کیا ہے کہ روس عارضی جنگ بندی کے بجائے ایک پائیدار امن معاہدے تک پہنچنے کا خواہاں ہے۔
پیسکوف نے صحافیوں سے گفتگو کرتے ہوئے کہا کہ صدر پیوٹن اور روسی حکام مختلف سطحوں پر بارہا اعلان کر چکے ہیں کہ ہم جنگ بندی نہیں چاہتے، بلکہ ایک طویل المدتی امن چاہتے ہیں اور اسے حاصل کرنے کے لیے ہر ممکن اقدام کرنے کو تیار ہیں۔
یہ بھی پڑھیں : بن گوریان ائیرپورٹ، جہاز میں بم کی اطلاع پر کھلبلی مچ گئی
یوکرائن کے صدر ولودیمیر زیلنسکی نے اتوار کے روز امریکی ٹیلی ویژن نیٹ ورک اے بی سی کے ساتھ گفتگو میں پیوٹن سے مطالبہ کیا تھا کہ وہ 60 روز کے لیے مکمل جنگ بندی پر رضامند ہو جائیں، تاکہ یوکرائن صدارتی انتخابات منعقد کر سکے۔
روس ایک عرصے سے یوکرائن سے انتخابات منعقد کرنے کا مطالبہ کرتا آ رہا ہے اور اس کا کہنا ہے کہ انتخابات نہ کروانے سے زیلنسکی کی قانونی حیثیت پر سوالات اٹھتے ہیں۔ یوکرائن کے قوانین کے مطابق، مارشل لا کے نفاذ کے دوران انتخابات منعقد کرنا ممنوع ہے۔
The post کریملن نے زیلنسکی کی 60 روزہ جنگ بندی کی تجویز مسترد کر دی appeared first on شیعہ نیوز پاکستان.
